ШИНЖЛЭХ УХААН, ТЕХНОЛОГИЙН ИХ СУРГУУЛЬ

MIT-ийн сурган заах арга зүйн туршлагаас суралцахуй модул сургалт амжилттай болж өндөрлөлөө

Багшийн хөгжлийн төвөөс зохион байгуулсан уг сургалт 2016 оны 10-р сарын 06-ны өдрөөс 2016 оны 11 сарын 17-ныг дуустал явагдаж MIT-ийн сургагч багш нар доктор, профессор Д.Ганбат, Ч.Туул, Г.Мөнхсайхан, Б.Загдхорол, CDIO-ийн мастер багш Д.Галиймаа, М.Дэлгэрнасан, Да.Баярмаа, Д.Туяа нар удирдан явууллаа.

7 дахь сургалт буюу сүүлийн дүгнэлт семинарын үед багш нар Plickers.com, Padlet.com, Classroom.google.com болон идэвхтэй аргуудыг хэрхэн ашиглаж сурсан тухайгаа өөрийн жишээ туршлагад үндэслэн тайлбарлаж байсан нь энэ удаагийн сургалтын шинэлэг зүйл боллоо. “Танин мэдэхүй ба суралцахуй”, “Хичээлд ICT ашиглах боломж”, “Сургалтын хөтөлбөр боловсруулах арга зүй”, “Сургалтын үр дүнг тодорхойлох арга”, “Сургалтын идэвхтэй аргууд”, “Сургалтын үнэлгээ”, “Багшийн ур чадвар” зэрэг сэдвийн дор явагдсан сургалтыг хамтран суралцахуйн арга туршлагыг хэрэгжүүлсэн үр дүнтэй, өгөөжтэй сургалт боллоо хэмээн сургалтад хамрагдсан багш нар дүгнэлээ. Багш хүн хэрхэн хичээлээ идэвхтэй санаачлагатай заах, оюутнуудыг идэвхтэй суралцах аргад сургах тухай бодит жишээ бүхий сургалт зохион байгуулагдаж, туршлагаа солилцон, үр дүнгээ тодорхойлов. Модул сургалтыг амжилттай дүүргэсэн 60 багш гэрчилгээ гардан авлаа.