“Бид хүний хөгжлийнхөн” сэдэвт өдөрлөг амжилттай болж өнгөрлөө


5-р сар. 16, 2018, 9:46 a.m.

Жилийн бүрийн 05 сарын 15 өдөр дэлхий нийтээрээ  “Дэлхийн гэр бүлийн өдөр”-ийг тэмдэглэн өнгөрүүлдэг  уламжлалтай билээ.  2018 оны 05 сарын 12  өдөр “Бид хүний хөгжлийнхөн” сэдэвт өдөрлөг зохион байгуулж  ШУТИС-ийн нийт бүрэлдэхүүн сургуулиудын хэмжээнд 2017-2018 оны Хаврын улиралд  280 гаруй оюутан залуус Хүний хөгжил хичээлийг сонгон суралцаж нийгмийн хөгжилд оролцох оролцоо,  хувь хүний эерэг дадал хандлагыг төлөвшүүлэх, багаар хамтран ажиллах, нийгмийн сайн сайхны төлөө хувь нэмрээ оруулахад чиглэгдсэн үйл ажиллагаа  маань маш амжилттай болж өндөрлөлөө.

 Энэ тэмцээн өдөрлөг нь Монгол улсын болон дэлхийн хүний хөгжилд гарч буй өөрчлөлтөнд шинжлэх ухааны үндэстэй дүн шинжилгээ хийж, хөрвөх чадвартай бүтээлч, оюутны сурах арга барилыг төлөвшүүлэх, багаар ажиллах чадвартай эх оронч иргэн болгох, чөлөөтэй сэтгэн бодох, шинэ санаа уралдуулах, дүрслэн бодох, мэтгэлцэх, шүүмжлэх, асуух зэрэг үйлдлээр оюутныг нээлттэй байлгаж танин мэдэх үйл ажиллагааг хөгжүүлэх чадварт суралцуулах өөрийн авъяас чадвараа нээх боломж олгоход чиглэгдсэн юм.

  Тэмцээнд нийт 8 багийн дунд ихээхэн өрсөлдөөнтэй явагдаж Шилдэг багаар С.Ариунцэцэг багштай “Хөгжлийн хэлхээ” баг, Шилдэг видео киногоор Б.Болормаа багштай “ HDV ” баг, Шилдэг мэндчилгээгээр  С.Ариунцэцэг багштай “Давалгаа” баг, Шилдэг илтгэгчээр  БУХС-ийн  оюутан Б. Минжинсор нар тус тус  шалгарлаа.

Сайн үйлс, бүтээлч ажлын хүрээнд оюутнууд маань санаачлан сургуулийнхаа орчинд хөгжлийн бэрхшээлтэй суралцагч оюутанд зориулан налуу шат , авто машины зогсоолын тэмдэг тэмдэглэгээг стандартын дагуу хийж,  гаднах талбайн сандал, хогийн савуудыг будаж, цэцгийн мандалд цэцэг болон мод тарьсан юм.

Эдгээр оюутнууд маань сурч буй сургуулийнхаа хөгжил, нийгмийн хөгжилд тус нэмэр болохуйц бүтээлч ажил хийж  тухайн хичээлийн хүрээнд судалсан мэдлэг чадвараараа өрсөлдөн шилдэг илтгэл , урлагийн тоглолт, гэрийн даалгавар, эрүүл зөв хоололт, ханын самбар, хүмүүнлэгийн үйлс, бүтээлч ажлаараа бие биетэйгээ туршлагаа хуваалцан үзэсгэлэн гаргаж нэгэн өдрийг дурсамжтай хөгжилтэй өнгөрлөө.

1 2 3 4   7 8 9 10 11 12  14  16  18