Өнгөрөгч 4-р сарын 5-ны өдөр Монголын их, дээд сургуулиудын солонгос хэл суралцагч оюутан залуусын дунд жил бүр уламжлал болгон зохиогддог солонгос хэлний ярианы тэмцээн 21 дэх удаагаа зохион байгуулагдлаа. БНСУ-ын ЭСЯ, КОЙКА байгууллагын ивээл дор ХУИС зохион явуулдаг уг тэмцээн нь 2, 3-р курсын оюутнуудын дунд зохиогддог байсан бол энэ жилээс эхлэн их, дээд сургууль бүрээс 1~3 курсийн зөвхөн нэг оролцогч орох боломжтой болсон юм. Тэмцээн шүүгчийн асуултад хариулах, өгөгдсөн зургийг тайлбарлах, үндсэн илтгэл гэсэн 3 үе шаттай явагддаг бөгөөд энэ жилийн сэдэв "Цахим гэмт хэрэг" гэсэн харьцангуй хүнд сэдэв байв.
ШУТИС-ийн хувьд Солонгос хэлний тэнхим байгуулагдсан цагаас эхлэн энэ тэмцээнд тасралтгүй оролцож ирсэн билээ. Энэ жил ТТО мэргэжлийн 2-р курсын оюутан С.Өлзийбат амжилттай оролцон түрүүлж БНСУ-н Элчин сайдын яамны нэрэмжит “Гран при” шагнал болох Солонгос Улсад 3 сар үнэгүй суралцах эрхээр шагнууллаа. Ийнхүү бид 2014 онд 2-р байр /3-р курсын оюутан Э.Солонго/ эзэлж байсан амжилтаа ахиулж чадлаа.
Мэдээ бэлтгэсэн: ГХС-ийн АСТ-ийн багш Б.Номиндалай
ШУТИС-ийн багш, ажилчид зарлан мэдээллийн дохиогоор дадлага сургуулилт хийлээ
“Хүнд үйлдвэрлэлийн салбарын мэргэшсэн инженерийн зэрэг олгох, сунгах” сургалт зохион байгуулав
Их сургуулийн нас тэгширсэн багш, ажилчдыг хүлээн авч дурсамж гардуулав
Монгол-Японы Коосэн Технологийн коллежуудын механик инженерийн багш нарын сургалт, семинар“Мэргэжилтэн гэхээсээ хөрвөх чадвартай хүний нөөц чухал”
ЭХС-ийн ЦИС-аас “π тоо”-ны өдөрлөгийг зохион байгууллаа