Шинжлэх ухаан, технологийн их сургуулийн “MUST Robocon-2025” тэмцээн 2025 оны 3 сарын 31-ний өдөр амжилттай зохион байгуулагдлаа.
Тэмцээнд олон улсын дүрмийн хүрээнд “сагс тоглодог” робот хөгжүүлж буй бүрэлдэхүүн сургуулиудын роботын багууд болох:
Олон улсын дүрмийн дагуу зохиогдсон тус тэмцээний аваргын шатанд “Эрчим” болон “Түвшин электроникс” багууд шалгарч Мэдээлэл, холбооны технологийн сургуулийн “Түвшин электроникс” баг ШУТИС-ийн аварга багаар тодорлоо.
Тэмцээний 2 дугаар байранд Эрчим баг шалгарсан бол “BEMP” баг тойргийн тоглолтын дүнгээр 3 дугаар байранд шалгарлаа. Тусгай байруудад “Ган робот”, “High Tech” багууд шалгарлаа.
Тэмцээнд ШУТИС-ийн Ректор Т.Намнан оролцож багуудад робот хөгжүүлэлтийн шагнал олгож, үндэсний аварга шалгаруулах тэмцээнд амжилт хүслээ. Мөн Ректор Т.Намнан роботын багийн удирдагч багш нартай техникийн семинар зохион байгуулж санал солилцлоо.
“ABU Robocon” тэмцээний тухай:
Тус тэмцээн нь Ази номхон далайн бүсийн орнуудын инженерийн чиглэлээр суралцдаг оюутан залуусын дунд ABU (Asian Broadcasting Union) буюу “Азийн өргөн нэвтрүүлгийн холбоо” байгууллагаас зохион байгуулдаг роботын контент бүхий тэмцээн юм.
24 дэхь жилдээ зохиогдож буй тус олон улсын тэмцээн 2 дахь удаагаа Монгол улсад 2025 оны 8 сарын 25-ны өдөр зохион байгуулагдана.
Робот технологи,инженерчлэлээр дэлхийд тэргүүлэгч улсууд болох Япон, БНХАУ, Хонг Конг тэргүүтэй азийн орнуудын оюутнууд өөрсдийн гараар зохион бүтээсэн роботоороо өрсөлддөг уг тэмцээнд тухайн улсын үндэсний аварга багаар шалгарсан баг нь олон улсын тэмцээнд оролцдог бөгөөд улс бүр үндэсний тэмцээнээ зохион байгуулдаг. Монгол улсын хувьд тус тэмцээнийг Монголын үндэсний телевизээс тогмтол зохион байгуулж ирсэн ба 2025 оны 4 сард “ABU Robocon-2025” үндэсний тэмцээнийг зохион байгуулахаар ажиллаж байна.
Манай их сургуулийн хувьд тус тэмцээн олон улсад зохиогдож эхэлсэн 2002 оноос эхлэн тогтмол оролцож ирсэн бөгөөд үндэсний аварга багаар 17 удаа шалгарч олон улсад эх орноо төлөөлөн өрсөлдөж байсан ба 2019 болон 2021 онуудад олон улсын тэмцээний аваргын шатанд шалгарч “First Runner Up” (II байр) цомыг хүртсэн амжилтыг үзүүлээд байна.
Инновац, бизнес түншлэлийн алба
Сөүл Үндэсний Их сургуулийн Боловсролын сургуулийн багш, оюутантай “Заах арга зүйн хамтарсан семинар” зохион байгуулав
“MUST ROBOCON-2025” тэмцээнд МХТС-ийн “Түвшин электроникс” баг түрүүллээ
Монголын Инновацын холбоотой хамтын ажиллагааны санамж бичиг байгууллаа
“Инженер, технологийн дээд боловсрол” төслийн хүрээнд зэргийн болон зэргийн бус хөтөлбөрт хамрагдсан багш, судлаачдын тайлан хэлэлцүүлэг боллоо
Судалгааны үр дүнг үйлдвэрлэл, үйлчилгээнд нэвтрүүлэх чиглэлд хамтран ажиллана