"Инженер, технологийн дээд боловсрол" төслийн хүрээнд “Таны амжилт шийдвэр гаргахаас эхэлнэ” уриа дор "1000 ИНЖЕНЕР-АЖЛЫН БАЙР 2020" ӨДӨРЛӨГ-ийг 2 дахь жилдээ зохион байгуулах гэж байна.

Тус өдөрлөг нь төгсөгчдийг ажлын байранд зуучлах, сурч, эзэмшсэн мэргэжил, мэдлэг, ур чадвараа Монгол Улсынхаа хөгжил дэвшилд зориулах,  эзэмшсэн мэргэжлээрээ ажиллах боломж, бололцоог нээж өгөх зорилготой.

Энэ удаагийн өдөрлөгт барилга, инженер, мэдээллийн технологи, дэд бүтэц, архитектур, үйлдвэрлэлийн чиглэлээр үйл ажиллагаа явуулдаг Монголын томоохон аж ахуйн нэгж байгууллагууд /20 гаруй/ оролцож төслийн төгсөгчид болон ШУТИС-д суралцаж буй оюутнуудтай ажлын ярилцлага хийж, цаашид хамтран ажиллах юм байна.

"1000 ИНЖЕНЕР-АЖЛЫН БАЙР 2020" өдөрлөг 10 дугаар сарын 30-ны өдрийн 10:00-16:00 цагт Шинжлэх ухаан, технологийн их сургуулийн 8 дугаар байрны 12 давхарт зохион байгуулах болно.

ШУТИС-ийн төгсөх курсийн оюутнуудыг тус арга хэмжээнд оролцохыг урьж байна.