ШИНЖЛЭХ УХААН, ТЕХНОЛОГИЙН ИХ СУРГУУЛЬ

Германы зуны сургалт амжилттай боллоо

ШУТИС болон КТИС хооронд 2010 онд байгуулагдсан хамтын ажиллагааны гэрээний дагуу жил бүр Кемниц хотын ТИС дээр зохион байгуулагддаг Зуны сургалт семинар энэ жил амжилттай болж өнгөрлөө.

2015 оны 6-р сарын 29-н 7-р сарын 10-ны хооронд болсон энэхүү сургалтанд Монгол, Герман, Орос, Энэтхэг ба Турк улсын судлаач багш нар, магистр болон бакалаврын түвшний оюутанууд хамрагдан германы боловсролын талаар лекц сонсож семинар дээр өөрсдийн илтгэлээ тавьж хэлэлцүүллээ. КТИС-н Профессор В.Хардт тус сургуулийн магадлан итгэмжлэл болоод сургалтын төлөвлөгөөний талаар сонирхолтой лекцийг уншлаа.

Энэ зун Монгол талаас Т.Уранчимэг /ЭХС-н Профессор/, Ц.Батчимэг /ЭХС-н Багш/, Т.Энхбаатар /МХТС-н Дэд профессор/, Д.Содхүү / МХТС-н Сургалтын мастер/, Б.Энхбат /Аметрос Технологи ХХК-н инженер/, А.Янжин /ЭХС-н Багш, КТИС-н Доктор Оюутан/ болон МУИС-н оюутан Л.Оюундарь, СЭЗДС-н оюутан Л.Номиндарь нар оролцлоо.

Энэ удаагийн сургалт, семинарт бакалаврын түвшний оюутнууд оролцсон нь мөн ОХУ-н сургуулиас зайнаас оролцсон нь онцлог байлаа. Зуны семинарт хэлэлцэгдсэн бүрэн хэмжээний өгүүлэлүүдийг нэгтгэн IBS сан эмхэтгэл гаргахаар болов. Мөн ирэх жилийн сургалт, семинарыг Хятад улсын Харбин хотын ТИС зохион байгуулахаар хүсэлт гарган дэмжигдсэнээр 2016 оны зун Харбин хотноо явагдахаар болов.

ЭХС