ШИНЖЛЭХ УХААН, ТЕХНОЛОГИЙН ИХ СУРГУУЛЬ

Барилгын материалын улсын IX олимпиад амжилттай зохион байгуулагдлаа

Док, проф Ч.Дэндэвдоржийн нэрэмжит “Барилгын материал”-ын улсын IX олимпиад ШУТИС – Дархан-Уул аймаг дахь Технологийн сургууль дээр 2019 оны 4 дүгээр сар 12-ны өдөр амжилттай зохион байгуулагдав. Уг олимпиадад “ХҮННҮ КОНКРЕТ “ ХХК Hunnu RMC ерөнхий ивээн тэтгэгчээр ажиллалаа. Монгол улсын хэмжээнд барилгын салбарын чиглэлээр сургалт явуулдаг 8 сургуулийн 12 баг оролцлоо.

Үүнд:
ШУТИС-н Барилга Архитектурын Сургууль, ШУТИС – Дархан-Уул аймаг дахь Технологийн сургууль, МҮИС, ИЗОУИС-ҮИТС, ИЗОУИС-ДУДТДС, ТТДС, Барилгын политехник коллеж, Дархан-Өргөө политехник коллежийн багш, оюутнууд оролцов.
Оюутнуудын бүтээлч сэтгэлгээ, ур чадварыг сорьсон онол, туршилт, лабораторийн шалгалт сорилтуудын нэгдсэн дүнгээр:
I-р ангилалд:
Тэргүүн байр: ШУТИС ДаТС-ийн “Бүтээгч инженерүүд-I” баг ШИЛЖИН ЯВАХ ЦОМ-ын эзэн
2-р байр: ШУТИС БАС-ийн Н.Хажидсүрэн багштай “Эко Хүрээлэн” баг
3-р байр: Барилгын Политехник коллежийн Алтанчимэг багштай оюутны баг тус тус шалгарлаа.
II ангилал буюу мэргэжлийн 4-р ангийн оюутнуудын тэмцээнд:
Тэргүүн байр: ШУТИС БАС–ийн I-р баг
2-р байр: ШУТИС ДаТС-ийн “Бүтээгч инженерүүд- I” багууд тус тус шалгарсан байна.
Хувийн амжилтаар ШУТИС БАС-ийн оюутан Э.Бум-Эрдэнэ, ШУТИС ДаТС-ийн 4-р ангийн оюутан Б.Баттөгс, Б.Сумьяабазар нар тэргүүлсэн байна. Мөн “Шилдэг менежментэй баг”-аар ТТДС-ийн док, дэд проф Ч.Дорлигсүрэн багштай оюутны баг, “ Шилдэг санаачлагатай баг”-аар Б.Нарангэрэл багштай ИЗОУИС-ҮИТС-ийн оюутны баг тус тус шалгарлаа.

Олимпиадад оролцсон нийт багш оюутнуудын цаашдын эрдэм судлалын ажилд нь өндөр амжилт хүсье. Мөн ирээдүйн барилгын инженерүүдийн сурах мэдэх бүтээх их үйлсийг дэмжиж хамтран ажилласан “ХҮННҮ КОНКРЕТ “ ХХК –ийн хамт олонд талархал дэвшүүлье.