Эрдмийн зөвлөлийн 2008 оны 10-р сарын 02-ны өдрийн хурлаар шинэчлэн батлав.
ШУТИС-ИЙН ДЭД ПРОФЕССОР, ПРОФЕССОР ЦОЛ ОЛГОХ ЖУРАМ
- Зохих болзлыг хангасан гэж үзэж байгаа эрдмийн зэрэгтэй доктор хүнд дэд профессор, профессор цол хүртээх асуудлыг Монгол Улсын ШУТИС-ийн эрдмийн зөвлөлийн хуралдааны шийдвэрийг үндэслэн олгоно. Хуралдаанд эрдмийн зөвлөлийн гишүүдийн гуравны хоѐр нь оролцсон бол хурлыг хүчинтэйд тооцох ба хуралд оролцсон гишүүдийн 75 хувиас доошгүй саналаар шийдвэр гаргана.
- Дэд профессор цол хүртээх хүмүүс дор дуръдсан болзлыг хангасан байна.
- Их сургууль, коллеж болон эрдэм шинжилгээний байгууллагад 10-аас доошгүй жил тасралтгүй , үр бүтээлтэй ажилласан доктор (Рh.D) болон шинжлэх ухааны докторын (Sc.D) зэрэгтэй байх,
- Их, дээд сургуульд зориулсан сурах бичиг 1 (хамтарсан байж болно), гарын авлага 5-аас доошгүйг бичиж хэвлүүлэн сургалтанд нэвтрүүлсэн байх,
- Бие даасан бол 10, хамтарсан бол 15-аас доошгүй эрдэм шинжилгээний бүтээл нийтлүүлсэн (30-аас доошгүй хувийг эрдмийн зэрэг хамгаалснаас хойш нийтлүүлсэн) байх. Архитектур дизайны мэргэжлийн хүмүүсийн боловсруулсан зураг төслийг адилтган авч үзнэ.
- Эрдэм шинжилгээний төслийн тайлан болон патент, шинэ бүтээл, оновчтой саналын гэрчилгээ 5-аас доошгүйг авсан, үйлдвэрлэл, практикт нэвтрүүлсэн байх,
- Олон улсын хэмжээнд хүлээн зөвшөөрөгдсөн эрдэм шинжилгээний хэвлэлд бүтээл нь нийтлэгдсэн, олон улсын эрдэм шинжилгээний хуралд оролцож илтгэл тавьсан байх,
- Өөрийн мэргэжлээр магистрийн ажил 5-аас доошгүйг удирдаж хамгаалуулсан байх.
- Профессор цол хүртээх хүмүүс дор дурьдсан болзлыг хангасан байна.
- Доктор (Рh.D) зэрэгтэй, дэд профессор цолтой эрдэм шинжилгээний байгууллага ба их, дээд сургуульд эрдэм шинжилгээний болон багшлах ажлыг 15-аас доошгүй жил тасралтгүй хийсэн, үүний 8-аас доошгүй жил их сургуульд багшилсан байх,
- Бие даан нэг сэдэвт зохиол (диссертациас гадна) нэгийг бичсэн буюу их сургуульд зориулсан сурах бичиг 3-аас доошгүйг бичиж хэвлүүлсэн, тэдгээрийг сургалтанд хэрэглэсэн байх,
- Үндсэн хичээлийн гарын авлага 5-аас доошгүйг бичиж хэвлүүлсэн, сургалтын үйл ажиллагаанд хэрэгжүүлсэн байх (лаборатор, дадлагын ажлын заавар зөвлөмж орохгүй),
- Эрдэм шинжилгээний өгүүлэл 30-аас доошгүйг нийтлүүлсэн (5-аас доошгүй өгүүлэл нь докторын (Ph.D) зэрэг хамгаалснаас хойш нийтлэгдсэн байх),
- Эрдэм шинжилгээний төслийн тайлан, патент, шинэ бүтээл, оновчтой саналын гэрчилгээ, улсын стандарт 10-аас доошгүйг авсан байх, боломжтойг үйлдвэрлэл, практикт нэвтрүүлсэн байх,
- Мэргэжлийн дагуу шавь сургуулийн үндэс суурь бэлтгэж 2-оос доошгүй хүний эрдэм шинжилгээний ажлыг удирдаж докторын (Ph.D) зэрэг хамгаалуулсан, 10-аас доошгүй магистрийн судалгааны ажлыг удирдаж төгсгөсөн байх,
- ШУ-ны докторын зэрэг хамгаалсан дэд профессор цолтой эрдэмтэн энэ журмын 3-ын б, в, е заалтуудыг биелүүлсэн нөхцөлд профессор цол олгоно.
- Профессор, дэд профессор цол хүртээхээр нэр дэвшүүлэхэд дараах баримт материал бүрдүүлнэ.
- Дэлгэрэнгүй анкет (нэгдүгээр маягт)
- Эрдэм шинжилгээ, сурган хүмүүжүүлэх үйл ажиллагааны тухай тэнхмийн хурал, сургуулийн эрдмийн зөвлөлөөс гаргасан шийдвэр, танилцуулга, байгууллагын тодорхойлолт,
- Эрдмийн зөвлөлийн нарийн бичгийн дарга хянаж магадалсан бүтээлийн жагсаалт,
- Дээд боловсролын болон доктор (Ph.D), дэд профессор цол, шинжлэх ухааны докторын зэргийн дипломын хуулбар.
Жич тайлбар:
- Профессор цол хүртээхээр нэр дэвшүүлээд цол хүртээгүй хүмүүсийг 2 жилийн дотор дахин авч хэлэлцэхгүй.
- Нэр дэвшигчийн шинжлэх ухаанд оруулсан хувь нэмэр, шинэлэг зүйл, баяжуулалт, боловсруулалт, практикт шилжүүлсэн, нэвтрүүлсэн зүйлийн тухай мэргэжлийн эрдэмтдээс бүрдсэн комисс хяналтын магадлагаа хийж дүгнэлт гаргана.
- Бүтээлд тезис нь гадаад, дотоодод хэвлэгдсэн илтгэлийг оруулж тооцно.
- Сурах бичиг, гарын авлага мөн эсэхийг хяналтын магадлагаа хийж тогтооно.
- Гадаадын түгээмэл хэвлэлд бүтээл нь хэвлэгдсэн бөгөөд бүтээлийн тоо нь дээрх заалтуудад хүрээгүй эрдэмтэдийн бүтээлийг дүйцүүлэн тооцох комисс томилж дүгнэлт гаргуулан шийдвэрлэнэ.