Захирлын зөвлөлийн хурлын тэмдэглэлээс...

        Хурал  Мэдээлэл, холбооны технологийн сургуулийн 101 тоот өрөөнд 09 цагаас эхэлж,  захирал Т.Намнан удирдан явуулав.

       Эрдэм шинжилгээ, технологийн газрын захирал Д.Цолмонбаатар, Санхүү төлөвлөлтийн газрын захирал Л.Баяр-Эрдэнэ, Захирлын ажлын албаны дарга Н.Ганзориг, Хүний нөөцийн албаны дарга Д.Мягмарсүрэн,  Дотоод аудит, албаны дарга Түмэндэлгэр, Гадаад харилцаа, нийгмийн түншлэлийн албаны дарга Т.Ууганбаяр, Барилга архитектурын сургуулийн захирал Б.Нарантуяа, Бизнесийн удирдлага хүмүүнлэгийн сургуулийн захирал А.Энхбат, Бизнесийн ахисан түвшний сургуулийн Сургалт чанарын албаны дарга М.Банзрагч, Гадаад хэлний сургуулийн захирал Ц.Энхбаатар, Геологи уул уурхайн сургуулийн захирал К.Хавалболот, Дархан-Уул аймаг дахь технологийн сургуулийн захирал Ц.Батбаатар, Мэдээлэл холбооны технологийн сургуулийн захирал Н.Чулуунбанди, Эрчим хүчний сургуулийн захирал Б.Бат-Эрдэнэ, Механик тээврийн сургуулийн захирал Ж.Хашбат, Үйлдвэрлэлийн технологийн сургуулийн Сургалт чанарын албаны дарга П.Булга, Хэрэглээний шинжлэх ухааны сургуулийн захирал В.Өлзийбаяр, ШУТИС-ийн дэргэдэх Үйлдвэрчний эвлэлийн хорооны дарга С.Дэлгэрмаа нар оролцов.

           Оюутны холбооны тэргүүн Ш.Өнөболд оролцсонгүй.

ХЭЛЭЛЦЭХ АСУУДАЛ

1. Шинжлэх ухаан, технологийн төв номын сангийн үйл ажиллагаа/24 цагийн номын санг ажиллуулах тухай

Шинжлэх ухаан технологийн төв номын сангийн захирал Т.Энхцацрал

2. Бүрэлдэхүүн сургуулийн сургалтын мастер, сургалтын албаны ажилтнуудын ажлын чиг үүрэгт өөрчлөлт оруулах тухай

           Сургалт, цахим шилжилтийн газрын захирал Н.Эрдэнэхүү

           Сургалтын бодлого, хөтөлбөрийн албаны дарга М.Эрдэнэтуяа

Хэлэлцэж шийдвэрлэсэн нь:

Нэг. Шинжлэх ухаан, технологийн төв номын санд 24 цагийн үйл ажиллагаатай танхим ажиллуулахтай холбоотой дараах шийдвэр гаргав. Үүнд:

1. Шинжлэх ухаан технологийн төв номын сангийн Бие даалтын танхимыг 2023 оны 05 дугаар сарын 01-нээс 2023 оны 06 дугаар сарын 01-ний өдрийг хүртэл 24 цагаар ажиллуулах
2. Бие даалтын танхимыг 24 цагаар ажиллуулахтай холбогдуулан шаардагдах зардлыг гаргах, холбогдох арга хэмжээг авах, нэмэгдэл цалин хөлсийг зохих журмын дагуу бодож олгохыг Санхүү төлөвлөлтийн газрын захирал Л.Баяр-Эрдэнэ, Шинжлэх ухаан технологийн төв номын сангийн захирал Т.Энхцацрал нарт үүрэг болгов.
3. Шөнийн ээлжээр ажиллуулахтай холбоотой хөдөлмөрийн харилцааг зохицуулах, арга хэмжээ авч ажиллахыг Хүний нөөцийн алба /Д.Мягмарсүрэн/-д үүрэг болгов.

Хоёр. Бүрэлдэхүүн сургуулийн сургалтын мастерын ажлын чиг үүргийн өөрчлөлттэй холбоотой дараах шийдвэр гаргав. Үүнд:

1. Салбар тэнхимийн эрхлэгчийн туслахын орон тоо хасагдан зарим чиг үүргийг шилжүүлэх, мөн албан тушаалын тусгай шаардлагад өөрчлөлт оруулахтай холбогдон сургалтын мастерын албан тушаалын тодорхойлолтыг шинэчлэн боловсруулж батлуулахыг Хүний нөөцийн алба /Д.Мягмарсүрэн/-д үүрэг болгов.
2. Сургалтын мастерын албан тушаалын тодорхойлолтыг танилцуулж, хөдөлмөрийн гэрээг шинэчлэн байгуулахыг бүрэлдэхүүн сургуулийн захирлуудад үүрэг болгов.
3. Магистраас дээш эрдмийн зэрэгтэй сургалтын мастерын хичээл заахтай холбоотой ШУТИС-ийн холбогдох журамд нэмэлт өөрчлөлт оруулах санал боловсруулж, дараагийн Захирлын зөвлөлийн хурлаар хэлэлцүүлэхийг Сургалт, цахим шилжилтийн газар /Н.Эрдэнэхүү/, Сургалтын бодлого хөтөлбөрийн алба            /М.Эрдэнтуяа/ нарт үүрэг болгов.

ШУТИС-ийн Захирлын ажлын алба