РЕКТОРЫН ЗӨВЛӨЛИЙН ХУРЛЫН ТЭМДЭГЛЭЛЭЭС...

2025 оны 5 дугаар сарын 02-ны өдөр                              №                                                                                Улаанбаатар хот

Хурлыг Сургалт оюутны хөгжил эрхэлсэн проректор Н.Эрдэнэхүү удирдан явуулав.

Хуралд Захиргааны удирдлагын газрын дарга Б.Түмэндэлгэр, Эрдэм шинжилгээ, технологи хөгжүүлэлтийн албаны дарга Ц.Цоггэрэл, Санхүү хөрөнгө оруулалтын албаны дарга Ш.Цэнгэл, Гадаад харилцааны албаны дарга Г. Батзориг, Нийгэм хүмүүнлэгийн сургуулийн захирал Я.Төгөлдөр, Геологи уул уурхайн сургуулийн захирал К.Хавалболот, Хүнс хөнгөн үйлдвэрлэл, дизайны сургуулийн захирал Н.Ганзориг, Хэрэглээний шинжлэх ухааны сургуулийн захирал Б.Тунгалагтамир, Гадаад хэлний сургуулийн захирал Ц.Энхбаатар, Барилга архитектурын сургуулийн захирал Б.Нарантуяа, Эрчим хүчний инженерчлэлийн сургуулийн захирал Бя.Бат-Эрдэнэ, Мэдээлэл, холбооны технологийн сургуулийн захирал Л.Баяр-Эрдэнэ, Механик тээвэр инженерчлэлийн сургуулийн захирал Н.Пүрэвдорж, Менежментийн сургуулийн захирал Г.Баттүвшин, Дархан-Уул аймаг дахь технологийн сургуулийн захирал Ц.Батбаатар, Өмнөговь аймаг дахь технологийн сургуулийн захирал Б.Баяржавхлан, ШУТИС-ийн дэргэдэх Үйлдвэрчний эвлэлийн хорооны дарга С.Дэлгэрмаа нар оролцов.

Хөгжлийн бодлого, дижитал шилжилт эрхэлсэн проректор Р.Бадмаанямбуу, Эрдэм шинжилгээ, инновац эрхэлсэн проректор Д.Цолмонбаатар, Санхүү төлөвлөлт эрхэлсэн проректор В.Өлзийбаяр, Оюутны холбооны тэргүүн Ч.Сандагдорж нар хуралд оролцсонгүй.

Хэлэлцэх асуудалтай холбогдуулан Сургалтын бодлого зохицуулалтын албаны дарга М.Эрдэнэтуяа, ахлах мэргэжилтэн Г.Ариунтөгс, мэргэжилтэн Б.Туяацэцэг, Хэрэглээний шинжлэх ухааны сургуулийн сургалт чанарын албаны дарга Г.Батцэцэг нар оролцов.

ХЭЛЭЛЦЭХ АСУУДАЛ

1. ШУТИС-ийн бакалаврын сургалтын үйл ажиллагааг зохицуулах журам

Сургалт, оюутны хөгжил эрхэлсэн проректор Н.Эрдэнэхүү

Сургалтын бодлого, зохицуулалтын албаны дарга М.Эрдэнэтуяа

2. Профессор багшийн ажлын гүйцэтгэлийг кредитээр тооцож үнэлэх журам

Сургалт, оюутны хөгжил эрхэлсэн проректор Н.Эрдэнэхүү

Сургалтын бодлого, зохицуулалтын албаны дарга М.Эрдэнэтуяа

3. Бусад асуудал

ХЭЛЭЛЦЭЖ ШИЙДВЭРЛЭСЭН нь

Нэг.

1. ШУТИС-ийн бакалаврын сургалтын үйл ажиллагааг зохицуулах журмын төсөлд гишүүдийн хэлсэн саналыг тусгаж, журмын өөрчлөлтийг гишүүдэд танилцуулахыг Сургалтын бодлого зохицуулалтын албанд үүрэг болгов.
2. Журмын төсөлтэй Ректорын зөвлөлийн гишүүд танилцсаны дараа ШУТИС-ийн бакалаврын сургалтын үйл ажиллагааг зохицуулах журмыг Ректорын тушаалаар батлахаар тогтов.

Хоёр.

1. Профессор багш нарын ажлын гүйцэтгэлийг тооцох гурван хувилбар аргачлалаас 3 (1) дугаар хувилбарыг журамд тусгахыг дэмжив.
2. Профессор багшийн ажлын гүйцэтгэлийг кредитээр тооцож үнэлэх журмын төсөлд гишүүдийн хэлсэн бусад саналыг тусгаж, өөрчлөлтийг эргэж танилцуулахыг Ажлын хэсэг, Сургалтын бодлого, зохицуулалтын албанд даалгав.

Захиргааны удирдлагын газар