ШУТИС-ийн захирлын 2018.01.31-ний өдрийн тушаалаар 3 хүний бүрэлдэхүүнтэй Чанарын хяналт, шинжилгээ, үнэлгээний албыг байгуулсан. Тус алба нь:

•  ШУТИС-ийн удирдлага зохион байгуулалт, боловсролын бүтээгдэхүүн, үйлчилгээнд чанарын менежментийн тогтолцоог хэрэгжүүлэх, тогтолцооны нэгдмэл байдлыг хангах
• ШУТИС-ийн бодлого дүрэм, журам, төлөвлөлтийн баримт бичгийн боловсруулалтыг хянах
• Үйл ажиллагааны гүйцэтгэлд хяналт шинжилгээ, үнэлгээ хийж, тасралтгүй сайжруулалтыг хангуулах зэрэг ажлуудыг удирдлагаар хангаж байна.
• ШУТИС-ийн дотоод чанарын баталгаажуулалтын тогтолцоог дараах байдлаар хэрэгжүүлж, бэхжүүлэх
  1. Чанарын менежментийн тогтолцооны дотоод аудитыг төлөвлөсөн хугацаанд явуулах
  2. Сургалтын хөтөлбөр, төлөвлөгөө, стандартыг боловсруулж, хэрэгжүүлэх үйл ажиллагаанд чанарын баталгаажуулалт хийх 
  3. Бодлогын баримт бичгийн мөрдөлтийг хянах замаар чанарын хяналт, үнэлгээг хийх

Албаны үйл ажиллагаа болоод Чанарын менежементийн тогтолцооны хэрэгжилтийн хамрах хүрээг хүртээмжтэй байлгах зорилгоор ШУТИС-ийн захирлын 2021.04.07-ны өдрийн тушаалаар бүрэлдэхүүн сургуулиудад чанарын менежерүүд томилогдсон. Чанарын менежерүүд нь бүрэлдэхүүн сургуулийн захирлын шууд удирдлагад ажиллах бөгөөд чанарын хяналт шинжилгээ, үнэлгээний чиг үүргийн хүрээнд ЧХШҮАлбатай хамтарч, дэмжин ажиллаж байна. 

ШУТИС-д чанарын хяналт шинжилгээ, үнэлгээ хийх чиг үүргийг хэрэгжүүлэх хүрээний зохион байгуулалтын бүтэц нь:

Чанарын менежерийн үндсэн чиг үүрэг:

• ШУТИС-ийн чанарын хяналт шинжилгээ, үнэлгээ хариуцсан нэгжид дэмжин туслах
• Сургалтын хөтөлбөр, эрдэм шинжилгээ судалгааны ажлын дотоод чанарын баталгаажуулалтыг хангах, хянах, дүн шинжилгээ хийх
• Чанарын менежментийн тогтолцоог хэрэгжүүлэх үйл явцыг бүрэлдэхүүн сургуулийн хэмжээнд зохион байгуулж, манлайлах
• Сонирхогч талуудын хамтын ажиллагааг өргөжүүлж, холбогдох мэдээлэл цуглуулах, дүн шинжилгээ хийх, тэдний хэрэгцээ шаардлагад нийцүүлэх ажлыг зохион байгуулах
• Их сургуулийн нэр хүндийг өсгөх нийгмийн хариуцлагын бодлогыг хэрэгжүүлэх, нийтэд түгээх
• Бүрэлдэхүүн сургууль, салбар, тэнхимийн ажлын төлөвлөгөө, гүйцэтгэлийг хянах, үнэлэх, түүнийг сайжруулахад шаардлагатай ажлыг зохион байгуулах

ШУТИС-ийн чанарын менежментийн тогтолцоо

Чанарын менежментийн тогтолцооны олон улсын стандарт (ISO 9001:2015, ISO 21001:2018)-ыг ШУТИС-ийн хэмжээнд нэвтрүүлэхэд багш, ажилтнуудын хамтын оролцоо, ижил ойлголттой болох нь чухал тул та бүхэн дараах товч танилцуулгаас мэдээлэл авна уу. Бид энэхүү ажлыг 2018.10 сараас хойш нэвтрүүлэн, хэрэгжүүлсээр байна.