МОНГОЛЫН ШИНЖЛЭХ УХААНЫ ӨДӨР-ийг угтаж зохион байгуулсан, Монгол улсын гавьяат эдийн засагч, доктор (Sc.D), профессор Г.Батхүрэлийн нэрэмжит“ЦАХИМ ОРЧИН: Менежментийн шинэчлэл” сэдэвт шилдэг илтгэлийн уралдаан, эрдэм шинжилгээний бага хурал 4 дэх жилдээ 2022 оны 11 дүгээр сарын 04-ний өдөр докторант, залуу эрдэмтэд, багш нарын дунд амжилттай зохион байгуулагдлаа.

Уг эрдэм шинжилгээний хурал 2 үе шаттайгаар зохион байгуулагдсан бөгөөд ШУТИС. Бизнесийн Ахисан Түвшний Сургууль, Бизнесийн удирдлага, Хүмүүнлэгийн сургууль, Механик тээврийн сургууль, Монгол улсын их сургууль, Анагаахын шинжлэх ухааны үндэсний их сургууль, Санхүү эдийн засгийн их сургууль, Олон улсын Улаанбаатар их сургууль, Төмөр замын дээд сургууль, Их засаг олон улсын их сургууль, АНУ-ын Өмнөд Дакота мужийн Уул уурхайн технологийн их сургууль зэрэг нийт 10 их сургуулийн 24 илтгэл ирүүлснээс I шатнаас шилдэг 10 илтгэлийг шалгаруулсан болно. II шатны шалгаруулалт 2022 оны 11 дүгээр сарын 04-ний өдөр ШУТИС-ийн хичээлийн V байрны 205 тоот танхимд илтгэл хэлэлцүүлж шилдгүүдээ тодруулсан болно.

Эрдэм шинжилгээний шилдэг илтгэлд:

• ШУТИС-ийн Бизнесийн Ахисан Түвшний сургуулийн багш Б.Түмэндэлгэр тэргүүн байр эзэлж, Өргөмжлөл, 1 сая төгрөг
• ШУТИС-ийн Бизнесийн удирдлага, Хүмүүнлэгийн сургуулийн багш До.Баярмаа дэд байр эзэлж, Өргөмжлөл, 500000 төгрөг
• АНУ-ын Өмнөд Дакота мужийн Уул уурхай технологийн сургуулийн докторант Д.Батцэнгэл, Олон улсын Улаанбаатар их сургуулийн ахлах багш А.Мөнх-Эрдэнэ нар гутгаар байр эзэлж, тус бүр Өргөмжлөл, 200000 төгрөгөөр тус тус шагнагдав.

Шилдэг 10 илтгэлийн нэр, илтгэгч нар

1. Б.Түмэндэлгэр “Мега төслийн удирдлагын мэдээллийн системийг хөгжүүлэх нь” -  ШУТИС. Бизнесийн ахисан түвшний сургууль
2. До.Баярмаа “Компанийг ESG – ийн шалгуур үзүүлэлтүүдээр үнэлж эрэмбэлэх нь” - ШУТИС. Бизнесийн удирдлага, Хүмүүнлэгийн сургууль
3. Д.Батцэнгэл “Орхон голын урсцын өөрчлөлт ба хандлага” - АНУ. Өмнөд Дакота муж. Уул уурхайн технологийн сургууль
4. А.Мөнх-Эрдэнэ “Аялал жуулчлалын үйлчилгээний чанарыг HOSLET загвар ашиглан үнэлэх нь” - Олон улсын Улаанбаатар их сургууль
5. Ц.Баярцог “Хөрөнгө оруулалтын сангийн үйл ажиллагаанд нөлөөлөх хүчин зүйлс” - ШУТИС. Бизнесийн удирдлага, Хүмүүнлэгийн сургууль
6. Ү.Галмандах “Татварын хуулийн даган мөрдөлтийн сайжруулалтын судалгаа” - ШУТИС. Бизнесийн ахисан түвшний сургууль
7. О.Мөнхзул “Эмнэлгийн мэдээллийн системийн үр дүнг ДЕЛОН МАКЛИН-ы загвараар үнэлэх нь” - Анагаахын шинжлэх ухааны үндэсний их сургууль
8. Б.Бат-Отгон “Хөдөлмөрийн аюулгүй байдлын эрсдэлийн менежментийн шинэчлэл ба сонгодог загвар” - ШУТИС. Бизнесийн ахисан түвшний сургууль
9. Ө.Гансүх “Хятадын төмөр замын өнөөгийн байдал, тээврийн үндсэн үзүүлэлтийн судалгаа”- Төмөр замын дээд сургууль
10. М.Дашдэлэг “Менежментийн тогтолцооны арван багц стандартыг нэвтрүүлэн хэрэгжүүлэх боломж” - Их засаг олон улсын их сургууль

Жил бүрийн “Монголын шинжлэх ухааны өдөр”-ийг угтаж зохион байгуулдаг эрдэм шинжилгээний бага хурлын гол зорилго нь залуу эрдэмтэд, судлаачид, доктор оюутнуудыг мэргэжлийн болон эрдэм судлалын ур чадварыг нь өсгөж, хөгжүүлэхэд чиглэгдэх юм.

Монгол улсын гавьяат эдийн засагч, доктор (Sc.D), профессор Г.Батхүрэлийн санаачилсан эрдэм шинжилгээний гурав дахь удаагийн бага хурлын ерөнхий ивээн тэтгэгчээр“ИХ НҮҮДЭЛ” бодлогын хүрээлэн, Бельгийн вант улсын Камут Остара компани, ивээн тэтгэгчээр Улаанбаатар төмөр, Илинкс Экспресс ХХК, Менежментийн өв судлалын академи ажилласан болно.

ШУТИС. БИЗНЕСИЙН АХИСАН ТҮВШНИЙ СУРГУУЛЬ

МЕНЕЖМЕНТИЙН ӨВ СУДЛАЛЫН АКАДЕМИ