ШУТИС-ийн оюутны мэргэжлийн, сайн дурын, урлагийн клубүүдийн тайлан хэлэлцэх хурал 2022 оны 12 дугаар сарын 12, 19 нд танхим болон цахим хэлбэрээр боллоо. Хуралд мэргэжлийн 17 клуб, сайн дурын 13 клуб, урлагийн 3 клуб, ДаТС-ийн 6 клуб тайлангаа тавьж хэлэлцүүллээ.

Энэхүү тайлан хэлэлцэх хурлыг ОСҮА бүрэлдэхүүнээрээ болон клубүүдийн зөвлөх багш нарын төлөөлөл “Space ship” клубийн зөвлөх багш МХТС-ийн ахлах багш, доктор, дэд профессор Г.Ганчимэг, номын сангийн төлөөлөл хамтран ажиллаж дүгнэв.

Клубүүдийн үйл ажиллагаа нь их сургуулийн оюутны хөгжилд чиглэсэн чухал олон асуудлыг хөндөн судлаж, шийдвэрлэх хэмжээний үйл ажиллагааг оюутнууд сонирхлоороо нэгдэн санаачилгатайгаар хамтран ажилласан байна гэж дүгнэв. Цаашид клуб бүр оюутны оролцоог анхааран ажиллахыг сануулж байлаа.

Клубүүдийн ажлыг үнэлэн дүгнэж дараах клубүүдийг 2022 оны шилдэг клубээр тодруулж АКАДЕМИЧ Х.ЭНХЖАРГАЛЫН нэрэмжит мөнгөн шагнал, өргөмжлөлөөр шагнахаар боллоо. Үүнд:

Мэргэжлийн шилдэг клубээр: “High Tech” клуб

Сайн дурын шилдэг клубээр: “Багшийн туслах оюутан” клуб

Урлагийн шилдэг клубээр: “Хос уянга” клуб

Клубүүдийн 2022-2023 оны хичээлийн жилийн үйл ажиллагааны тайланг эмхэтгэн хэвлэмэл болон цахим хэлбэрээр хүргэнэ.

Оюутны хөгжил, соёл үйлчилгээний алба