Барилга, Архитектурын сургуулийн профессор, МУ-ын зөвлөх инженер, доктор, профессор Пэлжээгийн Отгонбаяр Төрийн дээд шагнал Монгол Улсын Гавьяат багш цолоор 2022 оны 12 дугаар сарын 30-ны өдөр шагнагдлаа. П.Отгонбаяр 1976 оноос тус сургуульд багш, тэнхимийн эрхлэгч, профессор, захирлаар тасралтгүй нийт 46 жил үр бүтээлтэй ажиллажээ. Түүний Монгол Улсын дээд боловсролын салбар, барилгын салбарын олон зуун инженер бэлтгэх их үйлсэд оруулсан үнэтэй хувь нэмрийг үнэлж Монгол Улсын Гавьяат багш цолоор шагналаа. Шинэ оны босгон дээр Төрийн дээд шагналаар шагнагдсан П.Отгонбаяр танд эрүүл энх сайхан бүхнийг хүсэн ерөөе.