2023 оны 4 сарын 28-нд Франц улсын Технологийн их, дээд сургуулиудын консорциумын (ADIUT - ASSEMBLEE DES DIRECTEURS D’IUT) Олон улсын хөгжлийн захирал Оливиер Рибаулт ШУТИС-д айлчиллаа. Уулзалтын үеэр захирал Т.Намнан, Гадаад харилцаа, нийгмийн түншлэлийн албаны дарга Т.Ууганбаяр, мэргэжилтэн Д,Үүрийнтуяа нар байлцав.

Энэхүү байгууллага нь хэрэглээний шинжлэх ухааны бүхий л салбараар 180000 оюутанд  бакалаврын зэрэг олгодог, францын 180 их, дээд сургуулиудыг нэгтгэсэн консорциум юм. Тус консорциумын их, дээд сургуулиуд 24 мэргэжлээр бакалаврын хөтөлбөр хэрэгжүүлдгээс 15 нь хэрэглээний шинжлэх ухааны чиглэлийн мэргэжлүүд байна.

Тэрээр Ерөнхийлөгчийн илгээлт -21000 хөтөлбөрийн хүрээнд Монгол улсад анх удаагаа айлчилж байгаа бөгөөд ШУТИС-тай хамтын ажиллагаа хөгжүүлэх, багш, оюутны хамтарсан хөтөлбөр хэрэгжүүлэх, цаашид 2 байгууллагын хооронд тогтвортой хамтран ажиллах талаар санал солилцлоо.

Гадаад харилцаа, нийгмийн түншлэлийн алба