Тэргүүлэх мэргэжлээр дээд боловсролын сургалтын байгууллагад магистр, докторын үндсэн хөтөлбөрт суралцагч Монгол улсын иргэнд Боловсролын зээлийн сангаас сургалтын төлбөрийн зээл олгоно.

Тавигдах ерөнхий  шаардлага:

• Өдрийн ангид суралцаж байгаа магистрант, докторантын өмнөх улирлын /эхний улиралдаа сурч буй бол өмнөх боловсролын дипломын голч/ голч дүн нь  3,2 болон түүнээс дээш байх;
• Магистрант бол бакалаврын дипломын голч нь 3,2 докторант бол магистрын дипломын голч нь 3,2-аас багагүй байх /элссэн эхний улиралд энэ шалгуурыг баримтална./
• Тухайн улиралд магистрант, докторант 10-аас багагүй кредитийн хичээл сонгосон байх
• Дээд боловсролын удирдлагын мэдээллийн системд бүртгэгдсэн байх;

              Нэмэлт тайлбар: Орон нутагт үйл ажиллагаа явуулж буй төрийн өмчийн их, дээд сургууль     (ШУТИС-ийн ДаТС, ЭЦДС, ӨмТДС)-д магистр, докторын үндсэн хөтөлбөрт суралцагчдад тэргүүлэх мэргэжлийн чиглэл харгалзахгүйгээр жилийн сургалтын төлбөрийн 50 хувийн зээл олгоно.    

        Сургалтын төлбөрийн зээлд шинээр хамрагдах  тэргүүлэх мэргэжлийн магистрант, докторант зээл хүссэн өргөдөл, баримт бичгээ   бүрэлдэхүүн/харьяа сургуулийн сургалт, чанарын албаны  хариуцсан ажилтан, НБТ-ийн мэргэжилтэнд  9 дүгээр сарын 20-ноос 29-ний (ажлын) өдрүүдэд өгнө. Ажилтан зээлийн баримтуудыг хянах ба шалгуур хангасан суралцагчтай  “Оюутны хөгжлийн зээл олгох гэрээ” байгуулна. Гэрээ байгуулсан суралцагчийн хичээл  сонголт-2 хийх эрхийг нээнэ.

I. Урьдчилан бүрдүүлэх баримтууд

1. Иргэний үнэмлэхийн хуулбар эсвэл лавлагаа
2. Зээл хүссэн өргөдөл (БЗС-аас гаргасан өргөдлийн маягтыг бөглөн цахим шуудангийн  хаяг, гар утасны дугаараа нэмж бичнэ.)
3. Магистрант бол бакалаврын дипломын хуулбар, докторант бол магистрын дипломын хуулбар эсвэл лавлагаа (ҮГД 3,2-оос багагүй байх энэ заалтыг элссэн эхний улиралд харгалзана.)
4. Суралцагчийн голч дүнг тусгасан тодорхойлолт (хариуцсан ажилтан системээс хэвлэн, баталгаажуулсан байх)
5. Суралцах зорилго, төлөвлөгөөгөө тодорхойлсон эсээ   

  II. Хичээл сонголт-2 хийсний дараа бүрдүүлэх баримтууд:

1. Тухайн улиралд судалж байгаа хичээлийг баталгаажуулсан жагсаалт (оюутны вебээс)
2. Төлбөрийн нэхэмжлэх (Бүрэлдэхүүн/Харьяа сургууль, төвийн нягтлан бодогчоос авна.)

Магистрант, докторантууд зээлийн өргөдөл, баримт бичгүүдийг бүрэлдэхүүн/харьяа сургууль, БАТС, НБТ-ийн дараах ажилтнуудад өгнө.

Сургалтын бодлого, хөтөлбөрийн алба

2023.08.14