Сүүлийн жилүүдэд Монголын ноос ноолуурын үйлдвэрлэлийн салбар хурдацтай хөгжиж дэвшиж, Манай улс 2022 онд экспортын 490 сая доллар нэхмэл бүтээгдэхүүн экспортолсон байна. Манай улсын ноос, ноолуурын үйлдвэрлэлийн өнөөгийн хурдацтай хөгжил дэвшил нь хөдөлмөрийн зах зээл дээр Нэхмэлийн үйлдвэрлэлийн технологич инженер буюу Текстилийн технологич инженер, Текстилийн хими технологич, механик инженер, нэхэх сүлжих автомат машины программист зэрэг нарийн мэргэжлийн 250 гаруй ажлын байрны эрэлтийг үүсгээд байна.

Энэхүү асуудлыг шийдвэрлэх хүрээнд ШУТИС-ийн Үйлдвэрлэлийн технологийн сургууль олон улсын байгууллага, ноос ноолуурын салбарын үйлдвэрүүдтэй хамтран шинээр элсэгч оюутнуудыг сургалтын тэтгэлэгт хамруулах ажлыг сүүлийн 4-5 жилд амжилттай хэрэгжүүлэн ажиллаж байна. Үүнээс дурдахад:

• НҮБ-ын Хөгжлийн хөтөлбөрийн "Монголын тогтвортой ноолуурын платформ", Европын Холбооны санхүүжилттэй "Монгол Улсад тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслөөс санхүүжүүлэн 2023-2024 оны хичээлийн жилд ШУТИС-ийн Үйлдвэрлэлийн технологийн сургуульд "НЭХМЭЛИЙН ҮЙЛДВЭРЛЭЛИЙН ТЕХНОЛОГИ" бакалаврын хөтөлбөрийн 13 оюутан, магистрын хөтөлбөрийн 3 оюутанд сургалтын төлбөрийн тэтгэлгийг олголоо.
• Монголын ноос, ноолуурын үндэсний хэмжээний томоохон үйлдвэрүүд Говь ХК, Кашмер холдинг ХХК, Блю скай кашемир ХХК, Гоёл кашмер ХХК нь шилдэг ажилчин, ажиллагсдаасаа инженер техникийн ажилтан бэлтгэх хөтөлбөрийг хэрэгжүүлж ШУТИС-ийн “Нэхмэлийн үйлдвэрийн технологи” хөтөлбөрийн оройн ангид 10 ажилтнаа сургалтын тэтгэлэгтэйгээр сургахаар болсон.