Монгол үндэстний сар шинийн баярын босгон дээр ШУТИС-ийн хоёр залуу багш, ажилтан Монголын Залуучуудын Холбооны Тэргүүний залуу алтан медалиар шагнагдлаа. Монгол Улсын хөгжил дэвшил, залуу үеийг хүмүүжүүлэх үйл хэрэгт хүч чадал, оюун ухаан, эрдэм мэдлэг, авьяас билгээ зориулсан залууст улсын болон олон улсын чанартай баярт үйл явдлыг тохиолдуулан шагнадаг юм байна. Өнөөдөр Ахисан түвшний хөтөлбөрийн албаны ахлах мэргэжилтэн Д.Батдорж, Барилга, архитектурын сургуулийн ахлах багш А.Алтанзагас нар МЗХ-ны Тэргүүний залуу алтан медалиар шагнагдсаныг ШУТИС-ийн Залуучуудын хөгжлийг дэмжих холбооны тэргүүн Б.Улаанбаатар болон холбооны гишүүд гардуулан өглөө.  ШУТИС-ийн эрхэм зорилгод нийцсэн эрдэм боловсролын үйл хэрэгт нь амжилт хүсье.