Монгол Улсын Яамны эрх зүйн байдлын тухай хуулийн 9 дүгээр зүйлийн 9.8 дахь хэсэг, Газрын тосны тухай хуулийн 8.1.10 дахь заалт, Уул Уурхай, Хүнд Үйлдвэрийн сайдын 2021 оны 11-р сарын 22-ны өдрийн А/279 дүгээр тоот тушаал, Газрын тосны салбарын инженерүүдэд мэргэжлийн зэрэг олгох зөвлөлийн 2024 оны 04 дүгээр сарын 04, 07 дугаар сарын 08-ны өдрийн хуралдааны шийдвэрийг үндэслэн Газрын тос, уламжлалт бус газрын тосны мэргэшсэн инженер, зөвлөх инженерийн зэрэг сунгах сургалтыг ШУТИС-ийн Газрын тос, өрөмдлөгийн салбар 2024 оны 05 дугаар сарын 20-ноос 25-ны өдрүүдэд батлагдсан сургалтын төлөвлөгөөний дагуу сургалтыг цахим, танхим хосолсон хэлбэрээр амжилттай зохион байгууллаа.

Сургалтын явц

Сургалтанд 13 багш нийт 80 цагийн хичээлийг орж, 7 зөвлөх инженер, 15 мэргэшсэн инженер, нийт 22 хүн хамрагдав. “Мэргэшсэн мэргэжилтний ёс зүйн тангараг” өргөж, ёс зүй, зөвлөх, мэргэшсэн инженерийн гэрчилгээг 2024 оны 09 дүгээр сарын 20 ны өдөр Аж үйлдвэр, эрдэс баялгийн яамны хүндэтгэлийн танхимд гардан авлаа.

Мэргэшсэн мэргэжилтний ёс зүйн тангараг өргөж буй байдал

Зөвлөх, мэргэшсэн инженерийн гэрчилгээг гардан авч буй байдал

Зөвлөх, мэргэшсэн инженерүүддээ ажил хөдөлмөрт нь өндөр амжилт хүсье!

ЗОХИОН БАЙГУУЛАГЧ:

ШУТИС-ийн ГУУС-ийн Газрын тос, өрөмдлөгийн салбар