ШУТИС-ийн Ректорын 2025 оны 01 дүгээг сарын 23-ны өдрийн А/28 дугаар тушаалаар Шинжлэх ухаан, технологийн их сургуулийн Геологи, уул уурхайн сургуулийг Монгол Улсын анхны Ерөнхийлөгч, Академич, Бүгд Найрамдах Монгол Ард Улсын Ардын Их Хурлын Тэргүүлэгчдийн дарга, “Чингис хаан” тэргүүн зэргийн одонт, төр, нийгмийн нэрт зүтгэлтэн Пунсалмаагийн Очирбат агсны нэрэмжит болголоо. Мөн Сүхбаатар дүүргийн I хороо, Сөүлийн гудамжнаас Нийслэлийн Ерөнхий боловсролын I сургуулийн зүүн талаар хойш Цэцэг төвийн баруун урд уулзвар, Энхтайваны өргөн чөлөө хүртэлх 160 метр авто замыг Монгол Улсын анхны Ерөнхийлөгч Пунсалмаагийн Очирбатын нэрэмжит болгохоор шийдвэрлэсэн байна.