2025 оны гуравдугаар сарын 11-ний өдөр ШУТИС-ийн Хөгжлийн бодлого, дижитал шилжилт эрхэлсэн проректор Р.Бадмаанямбуу болон Чимэгэ системс ХХК-ий гүйцэтгэх захирал С.Бадрал нар хамтын ажиллагааны санамж бичигт гарын үсэг зурлаа. Энэ хамтын ажиллагаа нь үндэсний хиймэл оюуны судалгаа, хөгжүүлэлт, нэвтрүүлэлт, инновацыг дэмжихэд чухал үүрэг гүйцэтгэх юм.

• Хиймэл оюуны чиглэлээр хамтарсан сургалт зохион байгуулах
• Экосистемийг бүрдүүлэх
• Мэргэжлийн зөвлөгөө өгөх
• Судалгаа инновацыг хөгжүүлэх
• Оюутны дадлага хийх боломж бүрдүүлэх
• Бүтээгдэхүүн, үйлчилгээ нийлүүлэх

зэрэг олон талт үйл ажиллагааг хамтран хэрэгжүүлэхээр тохиролцлоо. Мөн Чимэгэ системс ХХК-ийн хиймэл оюуны шийдэл бүхий бүтээгдэхүүн, үйлчилгээ, програм хангамжийг ШУТИС-ийн багш, оюутнуудад хөнгөлөлттэй үнээр нийлүүлэхээр болсон.