ШУТИС-ийн Барилга, Архитектурын Сургууль (БАС)-иас элсэгчдэдээ сургуулийн орчин, мэргэжлийн хөтөлбөрүүд, сургалтын онцлогийг танилцуулах, мэргэжлийн чиг баримжаа олгох, “Ган гүүр” бүтээлч инженерийн тэмцээнийг танилцуулах замаар ирээдүйн сонголтод нь дэмжлэг үзүүлэх зорилгоор “НЭЭЛТТЭЙ ХААЛГАНЫ ӨДӨРЛӨГ”-ийг 2025-5-3-ны өдөр хичээлийн 2-р байранд зохион байгуулав. Өдөрлөгт Нийлслэлийн ЕБС-ийн 300 гаруй сурагч багш болон гэр бүл, найз нөхдийн хамт ирж оролцлоо.

Мөн оюутны “ГАН ГҮҮР-2025” тэмцээнийг 2025 оны 5-р сарын 2-3-ны өдрүүдэд ШУТИС дээр амжилттай зохион байгуулж дүнгээ гаргав.

Энэ удаагийн тэмцээний эцсийн шалгаруулалтад ШУТИС-ийн  БАС-ийн 6, Техник, Технологийн Дээд Сургуулийн 1, Шинэ Монгол Технологийн Дээд Сургуулийн 1, мөн түүнчлэн ШУТИС-ийн харъяа Технологийн Коллежийн 2 баг,  Монгол Коосэн Технологийн Коллежийн 1 баг, Шинэ Монгол Технологийн Коллежийн 1 баг, нийт 12 багийн 108 оюутан өөрсдийн мэдлэг, чадвараар өрсөлдөв.

Оролцогч багууд “Азийн ган гүүр 2025” тэмцээний дүрмийн дагуу 4 м урттай, 60см өргөнтэй, энгийн тулгууртай гүүрийг өөрсдөө төсөллөж, барилгын гангаар бүтээж, тэмцээний талбайд угсарч, ачаалж өрсөлдөж дараах байруудад шалгарав.

1. Угсралтын өртгөөр:     

1-р байр – ШУТИС-ийн “Иннов Арк” баг

2-р байр – ШУТИС-ийн “Дельта” баг

3-р байр – ТТДС-ийн “Бүтээлч Монгол” баг

2. Бүтээцийн өртгөөр:     

1-р байр – ШУТИС-ийн “Фирмус” баг

2-р байр – ШУТИС-ийн “Арк Стийл” баг

3-р байр – ШУТИС-ийн “Дельта” баг

3. Нийт өртгөөр:               

1-р байр – ШУТИС-ийн “Дельта” баг

2-р байр – ШУТИС-ийн “Иннов Арк” баг

3-р байр – ШУТИС-ийн “Арк Стийл” баг

4. Гоо зүйгээр: 

1-р байр – ШУТИС-ийн “Иннов Арк” баг

2-р байр – ШУТИС-ийн “Дельта” баг

3-р байр – ШУТИС-ийн “Бат Холбоос” баг

5. Илтгэлээр:

1-р байр – ШУТИС-ийн “Фирмус” баг

2-р байр – ШУТИС-ийн “Бат Холбоос” баг

3-р байр – ШУТИС-ийн “Дельта” баг

6. Хотойлтын таамгаар: 

1-р байр – ШУТИС-ийн “Бат Холбоос”  баг

2-р байр – ШМТДС-ийн “Шинэ Монгол” баг

3-р байр – ШУТИС-ийн “Фирмус” баг

Ерөнхий гүйцэтгэлээр 1-р байранд  ШУТИС-ийн “Дельта” баг шалгарч Гран При шагналын эзэн боллоо.

Энэхүү оюутны уралдаанд идэвхтэй оролцсон нийт багийн оюутнууд, дэмжиж хамтран ажилласан ШУТИС-ийн Барилга Архитектурын Сургууль, “Баяр багш” сан,  ХШУС-ийн Биеийн тамир, спортын тэнхим, шударгаар шүүсэн шүүгч нар, зохион байгуулж ажилласан нийт багш, ажилтнууддаа гүнээ талархаж байгаагаа илэрхийлээд цаашдын ажил үйлс нь өөдрөг амжилттай байхыг ерөөе.

Ийгл ТВ-ийн 2025-5-3-ны өдрийн 19:00 цагийн мэдээ, МҮОНТ-ийн 5-р сарын 5-ны өдрийн 11 цагийн Мэдээллийн хөтөлбөрөөр уг тэмцээний тухай орон даяар мэдээлэгдэв.

Тэмцээний Facebook page: “Ган гүүрийн тэмцээн”.

Мэдээ бэлтгэсэн: ШУТИС-ийн БАС-ийн Барилгын Инженерийн Салбар

Ган Гүүр-2025 тэмцээнд оролцогчид. Илтгэлийн тэмцээний дараа (V/2)

Ган Гүүр-2025 тэмцээнд оролцогчид. Тэмцээний дараа (V/3)

Нэгдсэн дүнгээр 1-р байр буюу Гран При хүртсэн “Дельта” баг (ШУТИС, БАС)

Угсралтын өртөг төрлөөр 1-р байранд орсон “Иннов Арк” баг (ШУТИС, БАС)

Бүтээцийн өртөг төрлөөр 1-р байранд орсон “Фирмус” баг (ШУТИС, БАС)

Нийт өртөг төрлөөр 1-р байранд орсон “Дельта” баг (ШУТИС, БАС)

Гоо Зүй төрлөөр 1-р байранд орсон “Иннов Арк” баг (ШУТИС, БАС)

Илтгэл төрлөөр 1-р байранд орсон “Фирмус” баг (ШУТИС, БАС)

Хотойлтын таамаг төрлөөр 1-р байранд орсон “Бат Холбоос” баг (ШУТИС, БАС)