Жил бүр уламжлал болгон “Ёс зүйн 7 хоног” өдөрлөгийн хүрээнд зохион байгуулагддаг Шинжлэх Ухаан, Технологийн Их Сургуулийн багш, ажилтанд зориулсан ёс зүйн сургалт, семинарыг 2025 оны 5 дугаар сарын 1-ний өдөр номын сангийн 604 тоот өрөөнд амжилттай зохион байгууллаа.

Тус сургалт, семинар нь ШУТИС-ийн багш, ажилтны ёс зүйн боловсролыг дээшлүүлэх, ёс зүйн дүрэм, хэм хэмжээ, түүнийг хэрэгжүүлэх зарчим, ёс зүйн боловсролын талаарх нэгдсэн ойлголт, мэдлэгийг түгээх зорилгоор зохион байгуулав. МУИС-ийн зөвлөх профессор, Доктор (Ph.D) Р.Дарьхүү “Ёс суртахууны хэм хэмжээ, зарчим”, МУИС-ийн багш, Доктор (Ph.D), дэд профессор Д.Оюунгэрэл “Ёс зүй ба үнэт зүйл”, ШУТИС-ийн ХХҮДС-ийн Ахлах багш Б.Арвинбаяр “Судалгааны ёс зүй ба инженерийн гоо зүй” зэрэг илтгэл тавилаа. Тус арга хэмжээнд ШУТИС-ийн 70 гаруй багш, ажилтан, оюутан  хамрагдлаа.

Зохион байгуулагч:

ШУТИС-ИЙН БАГШ АЖИЛТНЫ ЁС ЗҮЙН  ЗӨВЛӨЛ

2025.05.01