ШУТИС-ийн Залуу багш нарын зөвлөл Төв номын сангийн 604 тоот хурлын танхимд 2012 оны 11 -р сарын 01 -ны өдөр Багш оюутны ёс зүй ба хүмүүжил сэдэвт хэлэлцүүлгийг амжилттай зохион байгуулав. Хэлэлцүүлгийг ШУТИС-ийн Багш нарын зөвлөлийн дарга Долгорсүрэн нээж үг хэлж ШУТИС-ийн Залуу багш нарын зөвлөлийн дарга А. Энхбат удирдан явуулсан.

Уг хэлэлцүүлэгт дэд профессор, доктор (Ph.D) Б. Долгор Багш нарын имж, доктор (Ph.D) Д. Наранцацралт Багш, оюутны ёс зүй, доктор (Ph.D)А. Энхбат Багш нарт өгөх зөвөлгөө сэдэвт илтгэл тавиж хэлэлцүүлсэн бөгөөд ШУТИС-ийн Улаанбаатар, Дархан, Эрдэнэт хот дахь бүрэлдхүүн, салбар сургуулиудын 80 орчим залуу багш нар болон зарим бүрэлдхүүн сургуулиудын дэд захирал, эрдэмтэн нарийн бичгийн дарга, дэд профессорууд хүрэлцэн ирж, идвэхитэй оролцлоо.

Хэлэлцүүлэгийн төгсгөлд эрдэмтэн багш нар маань багшийн тэмдэг эсвэл дүрэмт хувцас, цагаан халаттай болох санал гаргаж энэ асуудлаар нийт багш нарын дунд судалгаа хийж, санал авах хэрэгтэй гэж үзсэн. Мөн Залуу багш нарын зөвлөлөөр дамжуулан ШУТИС-ийн Багш нарын ёс зүйн хороог байгуулах санал гаргасан билээ.

ШУТИС-ийн Залуу багш нарын зөвлөлөөс тус хэлэлцүүлгийн 2-р шатыг 2012 оны 11 дүгээр сар 17 -нд Горхид хийхээр төлөвлөж байгаа болно.