ШУТИС-ийн оюутны III байр их засварын ажлын явцаас шалтгаалан оюутнуудаа 2025 оны 11 дүгээр сарын 20-оос байранд хүлээн авахаар хүлээгдэж байгаа тул тус байранд харьяалагдах БАС, МС, ЭХИС, НХС, ГХС-ийн оюутнуудаас байранд орох нэн шаардлагатай оюутнуудыг “Оюутны өргөө-3” оюутны байранд амьдрах хүсэлтийг хүлээн авна.

“Оюутны өргөө-3” байр нь Хан-Уул дүүргийн 3-р хорооны Дэлгэр хотхоны урд /200м/     гурван давхар саарал байр.

Давхар тус бүрдээ 12 өрөөтэй, 1 өрөөнд давхар 3 ортой, галт огоо, душ, оо-н өрөөтэй. Нэг өрөөнд 6 оюутан амьдрахаар зохион байгуулагдсан.

Сарын төлбөр 170,000 (10 сарын төлбөр 1 700 000), бүртгэлийн хураамж 20.000 төгрөгийг байгууллагын дансанд төлнө.

Оюутан байранд орохдоо биеэрээ ирж байрны байршил болон өрөөг үзэж орох эсэхээ шийдсэний дараа иргэний үнэмлэхийн лавлагаа, сургуулийн тодорхойлолт /И-Монголиагаас авах/, 1 хувь цээж зураг авч ирж байрны төлбөрөө хийж баталгаажуулсны дараа гэрээг бүтэн жилээр байгуулж өрөөндөө орно. Төлбөрөө 6 сараас дээш  хугацаагаар хийж болно.

ШУТИС-ийн бусад сургуулийн сонирхсон оюутнууд зарын дагуу бүртгүүлж болно.

Холбоо барих утас:“Оюутны өргөө-3” байрны зохион байгуулагч 88096601

ОЮУТНЫ ҮЙЛЧИЛГЭЭНИЙ АЛБА