MNS ISO 21001:2021 “Боловсролын байгууллагын менежментийн тогтолцоо”-ны олон улсын стандарт-ын хэрэгжилтийг баталгаажуулах зорилгоор Монгол Улсын Засгийн газрын тохируулагч агентлаг болох Стандарт, хэмжил зүйн газрын даргын тушаалаар томилогдсон хөндлөнгийн баталгаажуулах аудитын ажлын хэсэг 2025 оны 4 дүгээр сарын 15-наас 22-ны өдрүүдэд Шинжлэх ухаан, технологийн их сургууль дээр ажиллав.

Ажлын хэсгээс тус стандартын хэрэгжилт, хадгалалтыг үнэлсэн тайланг холбогдох техникийн хорооны хурлаар хэлэлцүүлснээр Стандарт хэмжил зүйн газрын даргын тушаалын дагуу 2028 он хүртэл гэрчилгээ эзэмшүүлэх шийдвэр гарлаа.

 “Боловсролын байгууллагын удирдлага, зохион байгуулалт болон боловсролын үйлчилгээ” хамрах хүрээнд

1. ШУТИС -ийн Захиргаа
2. Барилга архитектурын сургууль
3. Нийгэм хүмүүнлэгийн сургууль
4. Менежментийн сургууль
5. Геологи, уул уурхайн сургууль
6. Гадаад хэлний сургууль
7. Механик инженерчлэл тээврийн сургууль
8. Мэдээлэл холбоо технологийн сургууль
9. Хүнс, хөнгөн үйлдвэрлэл дизайны сургууль
10. Хэрэглээний шинжлэх ухааны сургууль
11. Эрчим хүч инженерчлэлийн сургууль
12. Дархан-Уул аймаг дахь Технологийн сургууль

Бид, боловсролын байгууллагын менежментийн тогтолцооны олон улсын чанарын менежментийн суурь шаардлагыг хангаж байгаагаа баталгаажуулснаар ШУТИС-ийн багш, суралцагчид олон улсад хүлээн зөвшөөрөгдөх улмаар  амжилт дээрээ суурилан түүнийг илүү бататгаж, тасралтгүй сайжруулалтыг хийснээр чанарын менежментийн тогтолцоогоо илүү бэхжүүлэх нь чухлыг ШУТИС -ын Ректор доктор, профессор Т.Намнан онцоллоо.

ЗУГ, Чанарын менежерүүд