Олимпиадад дэлхийн 27 орны 211 сурагч оролцон, мэдлэг, ур чадвараа сорин уралдлаа. Монгол Улсаа төлөөлөн оролцсон баг, хамт олон маань амжилттай оролцож, 4 сурагч хүрэл медаль, 3 сурагч тусгай байрын шагналыг авч өндөр амжилт гаргалаа.

Монгол Улсаас төлөөлөн оролцохоор шалгарсан сурагчдын бэлтгэл сургалтыг ШУТИС дээр сар гаруй хугацаанд зохион байгуулсан байна. Тус олимпиадад багийн ахлагч, ажиглагчдаар Г.Зоригт /ШУТИС-ийн дэд проф, доктор/, П.Мөнхбаатар /МУИС-ийн дэд проф, доктор/, Х.Балт-Эрдэнэ /ШУТИС-ийн ахлах багш, доктор/, М.Отгонбаатар /МУИС-ийн ахлах багш/, Э.Гүндалай /Олонлог Эгзэ сургуулийн багш/, Г.Батбаяр /МУИС-ийн оюутан/ нар оролцлоо.

Хүрэл медалиар

• Г.Амармэнд /Дархан-Уул аймаг, Од сургууль/
• М.Мөнх-Оргил /НЕБ-ын 1 дүгээр сургууль/
• Б.Эрмүүн /Шинэ Монгол сургууль/
• Э.Ичинбат /Орхон аймаг, 1 дүгээр сургууль/ нар

Тусгай байрын шагналаар

• А.Орхонтуул /МУИС-ЕБАС/
• Д.Энхтөгс /Absolute Elite сургууль/
• Г.Амар /НЕБ-ын 1 дүгээр сургууль/ нар шагнагдлаа.

Мөн олимпиадад амжилттай оролцсон Т.Агарбат /Сант сургууль/ нартаа баяр хүргэе.

Нийт баг хамт олонд баяр хүргэж, талархал илэрхийлье.