Тулгар төрийн 2235, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ой, Үндэсний их баяр наадмыг тохиолдуулан Монгол Улсын төрийн дээд одон, медалиар шагнагдсан Шинжлэх ухаан, технологийн их сургуулийн багш, ажилтнуудад шагнал гардуулах ёслолын ажиллагаа 2026 оны 07 дугаар сарын 10-ны өдөр ШУТИС-ийн Эрдмийн зөвлөлийн танхимд боллоо.

Ёслолын үеэр Монгол Улсын Ерөнхийлөгчийн зарлигаар төрийн дээд цол, одон, медалиар шагнагдсан багш, ажилтнуудад ШУТИС-ийн удирдлагууд баяр хүргэж, шагналыг гардуулан хүндэтгэл үзүүлэв.

Монгол Улсын “Шинжлэх ухааны гавьяат зүтгэлтэн” цолоор

• ШУТИС-ийн Хэрэглээний шинжлэх ухааны сургуулийн ахмад багш, доктор, профессор Ш.Чадраабал

Хөдөлмөрийн гавьяаны Улаан тугийн одонгоор

• Гадаад хэлний сургуулийн ахмад багш, доктор, профессор Г.Томтогтох
• ШУТИС-ийн Хэвлэлийн газрын менежер Г.Жавхлан

Алтангадас одонгоор

• Санхүү, хөрөнгө оруулалтын албаны ерөнхий нягтлан бодогч Ш.Цэнгэл
• Барилга, архитектурын сургуулийн Инженерийн зурагзүйн тэнхимийн эрхлэгч Н.Доржбалдан
• ШУТИС-ийн харьяа Политехник коллежийн багш И.Ууганцэцэг

​​​​​​​

Хөдөлмөрийн хүндэт медалиар

• ШУТИС-ийн Хэвлэлийн газрын инженер технологич Э.Дэнсмаа нар тус тус шагнагдлаа.

​​​​​​​

Эдгээр эрхэм багш, ажилтнууд нь боловсрол, шинжлэх ухаан, инженерийн салбарын хөгжил, хүний нөөц бэлтгэх, их сургуулийн хөгжил дэвшилд оруулсан олон жилийн хөдөлмөр, зүтгэлээ төрөөр үнэлүүлж буй юм.

ШУТИС-ийн хамт олон төрийн дээд цол, одон, медалиар шагнагдсан нийт багш, ажилтнууддаа халуун баяр хүргэж, эрүүл энх, аз жаргал, ажил хөдөлмөр, эрдэм шинжилгээ, судалгааны ажилд нь улам өндөр амжилт хүсэн ерөөе.​​​​​​​