2012-2013 оны хичээлийн жилийн ШУТИС-ийн оюутны Математикийн Олимпиадын II даваа 4-р сарын 05-06-нд болж энэ жилийн ШУТИС-ийн Математикийн манлай оюутнууд, баг (сургууль) тодорлоо. Нийт 160 оюутан оролцсоноос Аварга математикчаар Эрдэнэтийн Технологийн Сургуулийн оюутан Б.Бат-Эрдэнэ 21,5 оноогоор (Багш Д.Дунгаамаа) шалгарсан бол хоёрдугаар байранд Өвөрхангай аймаг дахь салбар сургуулийн оюутан Д.Батзориг 18,5 оноогоор (Багш Л.Бадамцэцэг), УУИС –ийн оюутан Г.Баяннамсрай 18 оноогоор, гуравдагаар байранд УУИС-ийн оюутан Лхагва-Очир 17 оноогоор (Багш Д.Анхтуяа), МС-ийн оюутан М.Еркебулан (Багш Ц.Сарантуяа) нар орлоо. Багийн дүнгээр Д.Дунгаамаа ахлагчтай Эрдэнэтийн Технологийн Сургууль шалгарч цом, дипломоор шагнуулав. Олимпиадад оролцсон нийт оюутнуудад сурлагын өндөр амжилт хүсье.

МС-ийн Захиргаа