Оюутан залуучуудын дунд волейболын спортыг хөгжүүлэх, тоглогчдын  тоглолтын техник ур чадварыг сайжруулах зорилгоор “ШУТИС ГОЁ ЛИГ”-ийн тэмцээнийг НТС-ийн  БТСТэнхимээс зохион байгуулж байна.

Тэмцээний нээлтийн ажиллагаа 2013 оны 11 сарын 15-нд болж ШУТИС-ийн ректор Б.Очирбат, Тамгын газрын дарга Б.Чинзориг, НТС-ийн захирал Б.Пүрэвсүрэн, БТСТэнхмийн эрхлэгч О.Баатарзоригт болон БТСТэнхимийн багш нар оролцлоо. Баг тамирчдад ШУТИС-ийн бүжгийн “Хос уянга” хамтлаг, степ аэробикийн багууд үзүүлэх тоглолт хийж мэндчиллээ.

“ШУТИС ГОЁ ЛИГ”-т БИАС, КТМС, НТС, МИС, ЭХИС, ХИБС, ГГТС, ҮТДС, МХТС, УУИС зэрэг сургуулиудаас эмэгтэй 9 баг, эрэгтэй 8 баг баруун, зүүн хэсэгт хуваагдан хоёр тойрог тоглон, хагас шигшээ, шигшээ тэмцээнд аваргын төлөө өрсөлдөх юм.

“ШУТИС ГОЁ ЛИГ”-ийн тэмцээнийг волейболын спортыг дэмжигч “Витафит” компани дэмжин  2013 оны 11 сарын 1-нээс 2014 оны 3 сарын эхэн хүртэл долоо хоног бүр Лхагва гаригын 16 цагт, Баасан гаригын 14 цагт ШУТИС-ийн төв байрны спорт зааланд  явагдана.

Оюутан залуус та бүхнийг тэмцээн үзэж, хөгжөөн дэмжихийг урьж байна.