Хүн амын хөгжил, нийгмийн хамгааллын яамнаас 2014 оныг Гэр бүлийн хөгжлийг дэмжих жил болгон зарласантай холбогдуулан тус яамны Сэргээн засалт, хөгжлийн үндэсний төвөөс  Чингэлтэй дүүргийн ЗДТГ-тай хамтран “Гэр бүл-Хөгжлийн үндэс” сэдэвт сарын аяныг өрнүүлэн ажиллаж байна. Тус аяны хүрээнд улсын хэмжээний нийгмийн чиглэлээр суралцаж буй их, дээд сургуулийн оюутнуудын дунд хөгжлийн бэрхшээлтэй иргэний талаарх ойлголт, хандлагыг нэмэгдүүлэх, оюутнуудыг ажлын байранд хөгжлийн бэрхшээлтэй иргэнтэй харилцах арга зүйд бэлтгэх, хөгжлийн бэрхшээлтэй иргэдийн төлөө оюутнууд юу хийж болох тухай саналыг хэлэлцүүлэх, төрөөс авч хэрэгжүүлж буй хөгжлийн бэрхшээлтэй иргэдийн талаарх хууль эрх зүйн бодлого, үзэл баримтлалуудыг оюутнуудад танилцуулах зорилгоор “Таны төлөө миний оролцоо” сэдэвт эссэ бичлэгийн уралдааныг энэ сарын долооноос 23-ны хугацаанд зохион байгуулах гэж байгаа аж.

Уралдааны удирдамжийг энд дарж үзнэ үү.