Японы мэргэжлийн сумогийн 71 дэх ёкозүна Какүрюү М.Ананд өөрийн төрөлх сургууль болох ШУТИС-д 2014 оны 5 дугаар сарын 29-ний өдөр айлчиллаа.

Түүнийг ШУТИС-ийн удирдлага болон бүрэлдэхүүн сургууль, ахлах сургуулийн хамт олон хүлээн авч Японы мэргэжлийн сумогийн 71 дэх ёкозүна болсонд нь баяр хүргэж ахлах сургуулийн хүндэт төгсөгчөөр өргөмжилж дурсгалын зүйл гардууллаа. Ёкозүна Какүрюү Ананд ШУТИС-ийн ахлах сургуулийг төгссөн бөгөөд одоо тэрбээр ШУТИС-ийн Хэлний боловсролын сургуульд Япон судлал мэргэжлээр магистрын зэрэг хамгаалахаар суралцаж байгаа юм.