Бакалаврын сургалтад

Өвөр монголын их сургуульд Хятад хэл утга зохиол, Аялал жуулчлалын менежмент, Олон улсын эдийн засаг, гадаад худалдаа, Электроник, Амьтан судлал, Харилцаа холбоо, Компьютерийн техник, Зам гүүрийн инженер, Зам тээвэр, Орчин тойрны дизайн;

Өвөр монголын багшийн их сургуульд Эдийн засаг, Хятад хэл, утга зохиол, Хот ба бүс нутгийн төлөвлөлт, Радио телевизийн найруулагч, Компьютерийн инженер, Газар зүйн мэдээллийн систем, Хүрээлэн буй орчны экологи, Биологи, Электрон мэдээллийн байгууламж**; 

Өвөр монголын хөдөө аж ахуйн их сургуульд Тэжээвэр амьтан судлал, Мал эмнэлэг, Хүнс судлал, хүнсний технологи, Хадлан бэлчээрийн агрономи, Ойн инженер, ХАА-н автоматжуулалт, механикжуулалт, ХАА-н эдийн засаг, менежмент, Цэцэрлэгжүүлэлт, Ой хамгаалал ба аялал жуулчлал**;

Өвөр монголын аж үйлдвэрийн их сургуульд Дулааны эрчим хүч ба хөдөлгөх хүчин, Механик, зураг төсөл ба автоматчилал, Химийн инженер ба хими технологи, Материал судлал, Барилгын инженер, Нэхмэлийн инженер, Уул уурхайн инженер, Металлургийн инженер, Байгаль орчны инженер, Үйлдвэрлэлийн менежмент;

Өвөр монголын үндэстний их сургуульд Монгол анагаах ухаан*, Монгол эм зүй*, Дүрс оношлогоо, Ерөнхий мэргэжлийн анагаах ухаан, Эдийн засаг, Компьютер ба хэрэглээ, Агрономи, Агроинженер, Машин үйлдвэрлэл, автоматжуулалт;

Өвөр монголын анагаах ухааны их сургуульд Хятад уламжлалт анагаах ухаан, Эмчилгээний анагаах ухаан, Рентген оношлогоо.

Магистрантурт

Өвөр монголын их сургуульд Ургамал судлал, Амьтан судлал, Микробиологи, Биохими ба молекул биологи, Биономикс, Физик, Физик электроник, Биофизик, Хими, Хэрэглээний хими, Математик, Байгаль орчин, Бэлчээр судлал, Нягтлан бодох бүртгэл, Банк санхүү, Аж ахуйн нэгжийн менежмент, Компьютерийн шинжлэх ухаан ба технологи, Программ хангамж, Мэдээлэл, харилцааны технологи, Зохион бүтээлт ба ухаалаг систем, Бүс нутгийн эдийн засаг, Иргэний хууль, Эрүүгийн хууль, Материалын физик ба хими, Аялал жуулчлалын менежмент, Урлаг судлал, Хөгжим судлал, Дүрслэх урлаг судлал, Хятад хэл шинжлэл, Хятадын орчин үеийн утга зохиол, Хэл шинжлэл**, Хятадын угсаатны хэл, утга зохиол**, Түүх**, Сэтгүүл зүй,** Угсаатан судлал**;

Өвөр монголын багшийн их сургуульд Сурган, заах арга зүй, Түүх, Ардын хөгжим, Антропологи, Социологи, Хэрэглээний математик, Амьтан судлал, Ургамал судлал, Газар зүй, Газар зүйн мэдээллийн систем, Дизайн, Хөгжим судлал, Дүрслэх урлаг, Улс төрийн эдийн засаг, Хүн ам, нөөц, байгаль орчны эдийн засаг, Бүс нутгийн эдийн засаг, Сургалтын технологи, Онолын физик, Боловсролын сэтгэл судлал, Сэтгэл судлал, Байгаль орчин судлал, Боловсролын эдийн засаг, менежмент, Газрын нөөцийн менежмент,  Органик хими, Коллоид шингэний физик;

Өвөр монголын хөдөө аж ахуйн их сургуульд Малын генетик, селекци ба үржүүлэг, Малын хоол тэжээл судлал, Мал аж ахуйн үйлдвэрлэл ба менежмент, Ерөнхий мал эмнэлэг, Малын урьдчилан сэргийлэх эмчилгээ, Клиникийн малын эмч, Ургамал судлал, Тарималжуулалт ба газар тариалан, Таримал ургамлын генетик ба селекци, Хүнсний ногоо судлал, Ургамлын эмгэг судлал, ХАА-н хортон шавьжийн хяналт, Ойн генетик ба селекци, Ойжуулалт, Ой хамгаалал, Ойн менежмент, Цэцэрлэгийн ургамал судлал ба ашиглалт, Экологи, Хөрс судлал, Ургамлын шим тэжээл, Бэлчээр судлал, Малын бордоо, тэжээлийн нөөц судлал, Зэрлэг амьтан, ургамлын хамгаалалт ба ашиглалт, Хөрс ба усны хамгаалалт, цөлжилтөөс сэргийлэх ба хяналт, Газрын нөөцийн менежмент, Машины дизайн ба онол, ХАА-н механикжуулалт, ХАА-н биологийн байгаль хамгаалал, эрчим хүчний инженерчлэл, ХАА-н электронжуулалт ба автоматжуулалт, Барилгын инженер, Хот, орон нутгийн инженерийн байгууламж, Ус судлал ба усны нөөц, Усны байгууламжийн инженер, Усны ашиглалт, хамгаалалт, ХАА-н ус, хөрсний инженер, ХАА-н усны байгууламж, Урлагийн дизайн, Материал боловсруулалт, Мод бэлтгэлийн технологи, Бүс нутгийн эдийн засаг, Үйлдвэрийн эдийн засаг, Удирдлагын шинжлэх ухаан ба инженерчлэл, Техникийн эдийн засаг менежмент, ХАА-н эдийн засаг менежмент, Ойн эдийн засаг менежмент, Хүнс судлал, ХАА-н бүтээгдэхүүний боловсруулалт ба агуулахын инженер, МАА-н гаралтай бүтээгдэхүүний баталгаатай үйлдвэрлэл, Компьютерийн хэрэглээний технологи, Микробиологи, Генетик, Дэвшилтэт биологи, Биохими ба молекул биологи, Исгэлтийн инженер, Малын дэвшилтэт биологи ба биотехнологи, Ойн инженер;

Өвөр монголын аж үйлдвэрийн их сургуульд Механик инженер, Нарийвчлалын тоног төхөөрөмж, Туршилтын ба хэмжлийн технологи, тоног төхөөрөмж, Тооцоолон бодох математик, Физик электроник, Механик, Цахилгаан эрчим хүч ба цахилгаан дамжуулалтын электорник, Хяналтын онол ба хяналтын инженер, Туршилтын технологи ба автоматжуулалт, Компьютерийн хэрэглээ, Химийн процессын механик, Химийн инженер технологи, Байгаль орчны инженер, Дулааны инженер, Эрчим хүчний тоног төхөөрөмж ба инженер, Шингэний тоног төхөөрөмж ба инженер, Материал судлал, Материалын боловсруулалт ба инженерчлэл, Архитектур, Хөрс судлал, Халаалт, газ нийлүүлэлт, хөргөлт, агааржуулалтын инженер, Хими ба будгийн технологи, Менежментийн шинжлэх ухаан ба инженерчлэл, Бизнесийн удирдлага,Цахилгаан эрчим хүчний системийн автоматжуулалт.

Докторантурт

Өвөр монголын их сургуульд Ургамал судлал, Амьтан судлал, Микробиологи, Биохими ба молекул биологи, Биономикс, Физик, Хэрэглээний математик, Хими, Биологи, Компьютер ба хэрэглээний технологи, Хятад хэл ба уран зохиол, Угсаатан зүй**, Хятадын үндэстний хэл, утга зохиол**, Түүх**;

Өвөр монголын багшийн их сургуульд Шинжлэх ухаан, технологийн түүх**;

Өвөр монголын хөдөө аж ахуйн их сургуульд Малын генетик, селекци ба үржүүлэг, Малын хоол тэжээл судлал, Ерөнхий мал эмнэлэг, Малын урьдчилан сэргийлэх эмчилгээ, Клиникийн малын эм, Ургамал судлал, Тарималжуулалт ба газар тариалан, Таримал ургамлын генетик ба селекци, Хүнсний ногоо судлал, Ойжуулалт, Ой хамгаалал, Ойн менежмент, Хөрс судлал, Бэлчээр судлал, Малын бордоо, тэжээлийн нөөц судлал, Зэрлэг амьтан, ургамлын хамгаалалт ба ашиглалт, Хөрс ба усны хамгаалалт, цөлжилтөөс сэргийлэлт ба хяналт, ХАА-н механикжуулалт, ХАА-н электронжуулалт ба автоматжуулалт, ХАА-н ус, хөрсний инженер, Мод бэлтгэлийн технологи, ХАА-н эдийн засаг менежмент, ХАА-н гаралтай бүтээгдэхүүний боловсруулалт ба хадгалалт, Малын дэвшилтэт биологи, Ойн инженер;

Тайлар: * гэж тэмдэглэсэн мэргэжлээр монгол, ** гэж тэмдэглэсэн мэргэжлээр монгол/хятад хэл дээр сурах ба Өвөр Монголын ХААИС-ийн докторантурын бүх мэргэжил хятад/англи, бусад мэргэжлээр хятад хэл дээр сурна. Тэтгэлэгт хамрагдах бүх хүмүүс хятад хэлний 1 жилийн бэлтгэлд суралцах эрхтэй. 

Нэг. Тэтгэлэгт хамрагдахыг хүсэгчдэд тавигдах шаардлага
 
1/ Бакалаврын сургалтад: Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид 3.0-аас дээш голч дүнтэй суралцаж байгаа болон БНХАУ-ын их, дээд сургуулийн бэлтгэл ангид нэг хичээлийн жилээс илүү хугацаагаар 80 ба түүнээс дээш хувийн амжилттай суралцсан 25 хүртэлх насны;

2/ Магистрантурт: бакалаврын зэрэгтэй, 2.8-аас доошгүй голч дүнтэй, 35 хүртэлх насны;

3/ Докторантурт: магистрын зэрэгтэй, 2.8-аас доошгүй голч дүнтэй, 40 хүртэлх насны Монгол Улсын иргэд байна.  

Өмнө нь БНХАУ-ын Засгийн газар болон ӨМӨЗО-ы Ардын Засгийн газрын тэтгэлэгт хамрагдсан бол дахин тэтгэлэг олгохгүй. Мөн өөр орны сонгон шалгаруулалтанд тэнцэж, тухайн орны Засгийн газарт материал нь хүргэгдсэн хүнийг сонгон шалгаруулалтанд оруулахгүй болно. 

Хоёр. Бүртгэл

Монгол Улсад суралцагчид өөрийн суралцаж буй сургуульдаа бүртгүүлнэ. МУИС, ШУТИС тус бүр 30 хүртэл, бусад их сургууль тус бүр 20 хүртэл, магадлан итгэмжлэгдсэн дээд сургууль, коллеж нь тус бүр 10 хүртэл оюутныг урьдчилан шалгаруулж, оюутан тус бүрийн 5000 төгрөгийн шалгалтын хураамжийн хамт сургуулийн захирлын албан бичгээр 2012 оны 4 дүгээр сарын 24-ний өдөр Боловсрол, соёл, шинжлэх ухааны яамны Мэргэжлийн боловсролын газарт ирүүлнэ.

БНХАУ-д суралцаж буй бакалавр оюутан болон магистрантур, докторантурт суралцах хүмүүсийг 2012 оны 4 дүгээр сарын 24, 25-ны өдрийн 10.00-17.00 цагийн хооронд МУИС-ийн хичээлийн 2 дугаар байрны 179 дүгээр өрөөнд бүртгэнэ.

БНХАУ-д суралцаж буй бакалаврын сургалтад хамрагдах хүсэлтэй хүмүүс нь иргэний үнэмлэх, бүрэн дунд боловсролын гэрчилгээ, бэлтгэл ангийн сурлагын дүнгийн тодорхойлолтыг эх хувиар,  магистрантур, докторантурт суралцах хүсэлтэй хүмүүс нь иргэний үнэмлэхийн нотариатаар баталгаажуулсан хуулбар, ажил байдлын тодорхойлолт, дээд боловсролын зэргийн дипломууд, тэдгээрийн дүнгийн жагсаалтын нотариатаар баталгаажуулсан хуулбар, суралцах хөтөлбөр, төлөвлөгөө (500-аас цөөнгүй үгээр бичнэ), эрдэм шинжилгээний бүтээлийн жагсаалтыг авч ирж бүртгүүлнэ. Хураамж: бакалавр 5000 төгрөг, магистрант болон докторант 7000 төгрөг.

Гурав. Сонгон шалгаруулалт

Сонгон шалгаруулалтыг ӨМӨЗО-ны Боловсролын танхим, БНХАУ-аас Монгол Улсад суугаа Элчин сайдын Яам хамтран зохион байгуулна.

Бакалавр оюутны сонгон шалгаруулалтын математикийн шалгалтыг 2012 оны 4 дүгээр сарын 28-ны өдрийн 10.00 цагт МУИС-ийн хичээлийн 2 дугаар байрны өргөтгөлийн 1, 2, 3 дугаар давхарын уншлагын танхимд тестийн хэлбэрээр зохион байгуулна. Шаардлага гарвал шалгалт авах нэмэлт байр гаргаж, шалгалтын үеэр жич зарлана. Иргэний үнэмлэхгүй хүнийг шалгалтад оруулахгүй. Шалгалтад тэнцсэн хүмүүс ярилцлагад орно.

Магистрантур, докторантурт суралцахаар бүртгүүлсэн хүмүүсийн баримт бичигт үнэлэлт, дүгнэлт өгч шалгарсан хүмүүс мөн ярилцлагад орно. 

Математикийн шалгалтын оноо болон ярилцлагад орохоор шалгарсан нийт хүмүүсийн нэрс, ярилцлагын цагийн хуваарийг 2012 оны 5 дугаар сарын 1-ний өдрийн 18.00 цагт БНХАУ-аас Монгол Улсад суугаа Элчин сайдын Яамны гаднах самбар дээр зарлана. Ярилцлагыг 2012 оны 5 дугаар сарын 2-ноос 4-ний өдрийн 9.30 цагаас МУИС-ийн 2 дугаар байранд зохион байгуулна. Өрөөний дугаарыг тухайн үед нь зарлана.

Дотоодын их, дээд сургууль, коллежид суралцаж буй хүмүүс нь ярилцлагад орохдоо иргэний үнэмлэх, бүрэн дунд боловсролын гэрчилгээ, их, дээд сургууль, коллежийн 1,2 дугаар ангийн дүнгийн тодорхойлолт, БНХАУ-д хэлний бэлтгэл ангид суралцсан хүмүүс нь иргэний үнэмлэх, бүрэн дунд боловсролын гэрчилгээ, БНХАУ-ын их, дээд сургуулийн бэлтгэл ангийн сурлагын дүнгийн тодорхойлолт, мөн хятад хэлний түвшин тогтоох HSK шалгалтын гэрчилгээтэй бол эх хувийг авч ирнэ.

Ярилцлагын үр дүнг харгалзан сонгон шалгаруулалтад тэнцсэн хүмүүсийн нэрсийг 2012 оны 5 дугаар сарын 5-ны өдрийн 17.00 цагт БНХАУ-аас Монгол Улсад суугаа ЭСЯ-ны гаднах самбар дээр зарлана.

БНХАУ-ын ЭСЯ болон ӨМӨЗО-ны Боловсролын танхим сонгон шалгаруулалтын дүнд ямар нэгэн тайлбар хийхгүй.

Сонгон шалгаруулалтад тэнцсэн хүмүүсийг БНХАУ-ын ӨМӨЗО-ы их сургуулиудад суралцуулахаар нэр дэвшүүлэх бөгөөд суралцуулах тухай эцсийн шийдвэрийг хүлээн авах тал гаргаж, урилга ирүүлнэ. Урилга хүлээн авсан оюутан нь хүлээн авах талаас хуваарилсан сургуулийн хэлний бэлтгэл сургалтад хамрагдсаны дараа шалгалт өгнө. Энэ шалгалтад тэнцсэн хүмүүс нь үндсэн сургалтад хамрагдана.

 
Замын зардлыг суралцагч өөрөө хариуцах бөгөөд сургалтын төлбөр, амьжиргааны тэтгэлгийг БНХАУ-ын ӨМӨЗО-ы Ардын Засгийн газраас санхүүжүүлнэ.