140 жилийн түүхтэй “Атлас Копко” компанийн салбар болох “Атлас Копко Монгол” нь  Монгол Улсын эрдэс баялгийн салбарт мэргэжлийн боловсон хүчин бэлтгэх, сургалт судалгааны ажил, мэргэжлийн байгууллага, оюутан сурагчдыг дэмжин хамтран ажиллахаар ШУТИС-ийн ГУУС, МТС болон Монгол Улсын Өрөмдлөгийн холбоотой санамж бичигт гарын үсэг зурлаа.

Санамж бичгийн хүрээнд өрөмдлөгийн болон механикийн чиглэлээр суралцаж байгаа гурван оюутанд 2014-2015 оны хичээлийн жилийн сургалтын төлбөрийн тэтгэлэг олгох, үйлдвэрлэлийн дадлага хийлгэх боломжийг олгох, түүнчлэн сургалт, судалгааны тал дээр хамтран ажиллах юм.