link
Чанвоны Үндэсний их сургуультай "2+2" хамтарсан сургалтын хөтөлбөр хэрэгжүүлнэ
2014-12-13 01:23
Хуваалцах
ШУТИС-ийн Ректор Б.Очирбат, Механик тээврийн сургуулийн захирал Д.Цолмонбаатар нар Чанвоны Үндэсний их сургуульд2014 оны 11 дүгээрсарын 21-нийөдөр зочиллоо.Тус сургуулийн ерөнхийлөгч Lee Chan Gyu, Гадаад харилцаа, хамтын ажиллагаа эрхэлсэн захирал Hyung-Joon, Jeon,Мехатроникийн сургуулийн захирал Hong, Dae Sun, Мехатроникийн сургуулийн Электроникийн тэнхимийн профессор Min Won Park нартай уулзаж их сургуулиудын мэргэжлийн профессор багш нарын хоорондын хамтын ажиллагааг өргөжүүлэх, Механик инженер, Мехатроник, Электроник, Сэргээгдэх эрчим хүчний чиглэлээр залуу багш нар, магистр, докторын түвшний оюутан солилцох нөхцлийн тухай нарийвчлан санал солилцжээ.
Үүний үр дүнд тус хоёр сургуулийн хооронд байгуулсан хамтын ажиллагааны гэрээний дагуу тус сургуульд 2015 оны 3 дураар сараас эхлэн 5 хүнийг магистр, докторын сургалтад хамруулах, 2 багшийг судлаач профессороор бүрэн тэтгэлэгтэйгээр ажиллуулахаар боллоо. 2014 оны 12 сард холбогдох чиглэлийн багш нараас сонгон шалгаруулж, холбогдох материалыг явуулахаар болсон байна. МөнЧанвоны Үндэсний их сургуулийн Нэгдсэн судалгааны лаборатори, Мехатроник, Электроникийн лабораториудад зочилж, үйл ажиллагаа, судалгааны явцтай танилцаж, цаашид хоёр сургуулийн хамтарсан судалгааны лаборатори байгуулах асуудлаар санал солилцжээ.

Түүнчлэн Чанвоны Үндэсний их сургуулийн Мехатроникийн сургуульд зочилж, тус сургуулийн захирал Hong, Dae Sun, профессор Seokho Kim, Youngtae Cho, Uh Yoon нартай уулзаж, МехТС болон Мехатроникийн сургууль хоорондын хамтын ажиллагааны үндсэн чиглэлүүдийг хэлэлцэж, бакалаврын түвшний "2+2" хамтарсан сургалтын хөтөлбөр хэрэгжүүлэх гэрээ байгуулах урьдчилсан нөхцлийг тохиролцож 2015 оны 9 дүгээр сарын 1-нээс тус сургуульд жил бүр МехТС-иас 2-4 оюутанг 4 жилийн хугацаанд Механик инженерийн мэргэжлээр суралцуулахаар болов.

LAST

Capacity building in the field of higher education STRAND 2

MUST receives its fourth accreditation certificate

4 students awarded “Tavan Bogd” Group’s full tuition fee scholarship

An agreement signed with the best universities of the United States to implement mutually beneficial programs

MUST will participate in the project "Glocal University 30" financed by the Government of the Republic of Korea
MORE NEWS ...

Affiliated schools