2010 оны 04 сарын 23-ны өдөр Шинжлэх Ухаан Технологийн төв номын сангаас “ТЕХНИК ТЕХНОЛОГИЙН ШИНЭ НОМЫН ҮЗЭСГЭЛЭН” гаргалаа. Үзэсгэлэнд номын санд шинээр ирсэн гадаадын 200 гаруй номыг дэлгэн тавьж профессор багш, оюутнуудын хүртээл болголоо. Мөн уншигчдын хүсэлтээр энэхүү үзэсгэлэнгээ 04 сарын 26-28-ны өдрүүдэд дахин гаргаж байна. Дашрамд дурьдахад жил бүрийн 04 сарын 23-ыг НҮБ-ын Соёл, урлагийн хорооноос “Дэлхийн номын өдөр” болгохоор 1995 онд албан ёсоор зарласан. Энэ өдрийг тохиолдуулан ШУТИС-ийн захиргааны ажилчдын дунд одон бөмбөгийн тэмцээн зохион явуулсан. Номын сангаас санаачлан зохион явуулсан уг тэмцээн 2 төрлөөр явагдаж хосын төрөлд нийт 6 баг оролцсоноос Ө.Энхтуяа (Төв номын сан), С.Амарсанаа (Е-нээлттэй сургууль) нарын баг тэргүүн байр, ганчаарчилсан төрөлд нийт 16 одон бөмбөгчин оролцсноос Д.Энхбат (Шинжлэх Ухаан, Технологи, Инновацийн газрын дарга ) тэргүүн байр эзэлж өргөмжлөл номын дээжээс гардан авлаа.

Шинжлэх Ухаан Технологийн төв номын сангийн Номзvйч Ж.Баатарсvрэн