link
Японы Нисэхийн Академийн ерөнхийлөгч Үмэзава Шигео ШУТИС-ийн “Xүндэт доктор” цол хүртлээ
2015-09-03 18:17
Хуваалцах

     ШУТИС-ийн Эрдмийн Зөвлөлийн 2015 оны 06 дугаар сарын 12-ны өдрийн хуралдааны тогтоолоор Японы Нисэхийн Академийн ерөнхийлөгч Үмэзава Шигэод ШУТИС-ийн “Хүндэт доктор” цол өргөмжлөхөөр шийдвэрлэсэн байна. “Хүндэт доктор” цол өргөмжлөх ёслолын ажиллагаа 2015 оны 06 дугаар сарын 15-ны өдөр тус академийн Хоккайдо мужид байрлах мэргэжлийн салбар сургуулийн Читосэ кампусд болж өнгөрлөө. Ёслолын ажиллагаа дэгийн дагуу явагдаж ШУТИС-ийн ректор Б.Очирбат Японы Нисэхийн Академийн ерөнхийлөгч Үмэзава Шигэод “Хүндэт доктор” цолны өмсгөл, тэмдэг, дипломыг нь гардуулан өгч баяр хүргэлээ.

 

Зураг-1 Хүндэт доктор цол гардуулах ёслол

     Үмэзава Шигэо нь Япон улсын иргэн бөгөөд 1975 оноос хойш уг академид багшаас эхлэн салбар сургуулийн дэд захирал, захирал, ерөнхийлөгчөөр ажиллаж байснаас гадна Япон улсын мэргэжлийн сургуулиудын консорциумын орлогч даргаар, JAA-Нисэхийн академийн дэргэдэх Хүний Хөгжлийн холбоог үндэслэн тэргүүнээр нь ажиллаж байна. Өнөөгийн байдлаар уг академи нь Яманаши, Хоккайдо, Ишикава аймгуудад ахлах сургууль, мэргэжлийн сургууль, дээд сургууль зэрэг нийт 8 салбар сургуультай бөгөөд ШУТИС-ийн Ректор Б.Очирбат, МехТС-ийн захирал Д.Цолмонбаатар нар уг академид амжилттай суралцагч Монгол оюутнуудтай уулзалт хийж, сургалтын байдалтай танилцав.
 
Зураг-2 JAA-д амжилттай суралцаж буй Монгол оюутнуудтай уулзалт хийв
 
     ШУТИС нь 2000 оноос эхлэн тус академитай хамтран ажиллаж байгаа бөгөөд энэ хамтын ажиллагааны хүрээнд Японы Нисэхийн Академиас өөртөө ашиглаж байсан бага оврын бүрэн ажиллагаатай онгоцыг ШУТИС-ийн Нисэх техникийн лабораторийн сургалтанд зориулж бэлэглэхээр шийдвэрлэн, уг ёслолын ажиллагааны үеэр хүлээлгэн өгсөн байна.
Зураг-3 ШУТИС-д бэлэглэсэн бага оврын нисэх онгоц
 
ЭРДЭМ ШИНЖИЛГЭЭНИЙ АЛБА
LAST

RESEARCHERS FROM MUST SUCCESSFULLY PARTICIPATED IN THE “CHULA AI AWARDS 2026” INTERNATIONAL COMPETITION

The “GREEN FUTURE” Project Funded by the ERASMUS+ Programme has officially launched

Capacity building in the field of higher education STRAND 2

MUST receives its fourth accreditation certificate

4 students awarded “Tavan Bogd” Group’s full tuition fee scholarship
MORE NEWS ...

Affiliated schools