КОМЕХ(Солонгос Монголын эдийн засгийн хамтын ажиллагааг дэмжих нийгэмлэг)-ийн тусламжтайгаар байгуулагдсан БНСУ-ын Гёнги аймгийн Технологийн Сургууль, ШУТИС-ийн Механик инженерийн сургуулиудын хооронд хамтран ажиллах найман жилийн гэрээ дөрөв дэх жилдээ амжилттай хэрэгжиж байна. Хамтын ажиллагааны дөрөв дэх үе шат сургалтын тоног төхөөрөмж хандивлах, багш оюутан, салбарын ажиллагсдын дунд “Солонгосын автомашин, засварын технологи ” сэдэвт сургалт 2010 оны наймдугаар сарын  17-18 өдрүүдэд ШУТИС-ийн Механик инженерийн сургууль дээр амжилттай зохион байгууллаа. Сургалтанд нийт 56 хүн хамрагдсан. Хамтын ажиллагааны хүрээнд өнөөдрийн байдлаар автомашины оношлолын лаборатори, автомашины засвар, туршилтын байр байгуулж, засвар болон оношлолын тоног төхөөрөмж, багаж хандивлах зэрэг нийт 200 сая вон (240 сая төгрөг)-ны өртөгтэй төсөл хэрэгжсэн байна.