2010 оны есдүгээр сарын 7-ны өдрийн ректорын зөвлөлийн хурлаар ректор Б.Дамдинсүрэн эрдмийн цол хүртсэн багш нарт үнэмлэхийг нь гардуулан өглөө. Мэргэжлийн боловсролын салбарт олон жил идэвхи, зүтгэл, үр бүтээлтэй ажиллаж, сургуулийнхаа хөгжилд үнэтэй хувь нэмэр оруулсан ШУТИС-ийн БИАС-ийн ахлах багш Л.Пүрэв, Барилгын салбарт мэргэжилтэн бэлтгэх, сургалтын материаллаг баазыг бэхжүүлэхийн төлөө идэвхийлэн ажилласан Монголын Барилгын үндэсний ассоциацийн ерөнхий зөвлөх Л.Шагдаррагчаад ШУТИС-ийн хүндэт профессор цол олгож жуух бичгийг нь гардуулсан юм. Мөн КТМС-ийн тэргүүлэх профессор Ө.Эсболд, МХТС-ийн ахлах багш Т.Нарантуяа нар дэд профессор, НТС-ийн ахлах багш Ю.Болдбаатар доктор цол хүртэж, үнэмлэх дипломоо гардан авлаа. 

ЗХШҮГ