Эрүүл мэндийн даатгалын тухай хууль 2015 оны 07 дугаар сарын 01-ний өдрөөс хэрэгжиж эхэлсэнтэй холбогдуулан их, дээд сургууль, коллеж, мэргэжлийн сургалт-үйлдвэрлэлийн төвийн суралцагчид ЭМД-ын шимтгэлийн 23040 төгрөгийг СБД-ийн Нийгмийн даатгалын  /Хаан банк 5009209225, Төрийн банк 10090019687/ тоот дансанд тушаасан баримтын эх хувь, ЭМД-ын дэвтэрийн хамт 2016 оны 3 дугаар сарын 15-ны дотор Сургалтын албанд хураалгаж эрүүл мэндийн даатгалдаа хамрагдана уу.

Эрүүл мэндийн даатгалын тухай хууль болон холбогдох мэдээллийг www.ndaatgal.mn, http://must.edu.mn/mn/eruul-mendiin-daatgal/ дэлгэрүүлж үзнэ үү. Мөн 1800-1289 нийгмийн даатгалын үйлчилгээний лавлах, 1900-1199 мессэжтэй лавлах утаснаас  лавлана уу.

2015 оны 1 дүгээр сарын 29-ний өдөр батлагдсан МУ-ын “Эрүүл мэндийн даатгалын хууль”-д дараах өөрчлөлтүүд орсон болно. Үүнд:

Өрхийн даатгал /7.18 заалт/

Шимтгэлээ өөрөө хариуцан төлдөг аж ахуйн нэгж байгууллагын ажилтан, малчин, хувиараа хөдөлмөр эрхлэгч, тодорхой хөдөлмөр эрхэлдэггүй иргэн- даатгуулагчийн эрүүл мэндийн тусламж, үйлчилгээний зардлын төлбөр нь тухайн жилийн дээд хязгаараас хэтэрсэн тохиолдолд гэр бүлийн өөр нэг даатгуулагч гишүүний зөвшөөрснөөр, түүний зардлаас жилд нэг удаа шилжүүлэн тооцуулах боломжтой.

Цахим хяналт /22 зүйл/

• Даатгуулагчийн үндсэн мэдээлэл
• Эрүүл мэндийн даатгалын шимтгэл төлөлтийн мэдээлэл
• Эрүүл мэндийн тусламж, үйлчилгээ авсан мэдээлэл

Даатгуулагч

• Хэрэв эрүүл мэндийн даатгалын шимтгэлээ тухайн жилдээ төлөөгүй бол хоёр дахин нэмэгдүүлж төлнө. /25.2.1 заалт/
• Даатгуулагч бүр жилд 1800000 төгрөгийн эмнэлгийн тусламж үйлчилгээ авах эрхтэй. /13.1.1 заалт/
• Эрүүл мэндийн даатгалын байгууллагатай гэрээ байгуулсан өмчийн бүх хэлбэрийн эрүүл мэндийн тусламж үйлчилгээ үзүүлэгч байгууллагуудаас сонгон үйлчлүүлэх, тусламж үйлчилгээний чанар, зардлын төлбөрийн хөнгөлөлтөд хяналт тавих эрхтэй.   /7.1.3, 7.1.9 заалт/
• 21 бүлэг 134 төрөл 218 тунгийн эм 30-80 хувийн хөнгөлөлт эдлэж, 100-18000 төгрөгийн хөнгөлөлт эдлэх боломжтой. /9.3, 14.9.5 заалт/

Эрүүл мэндийн даатгалын байгууллагаас даатгуулагчид олгох цахим карт /3.1.10 заалт/

• Даатгуулагчийг эрүүл мэндийн даатгалд даатгуулсныг гэрчилнэ.
• Даатгуулагч эрүүл мэндийн тусламж, үйлчилгээ авах, эрүүл мэндийн даатгалын байгууллагаас эрүүл мэндийн тусламж, үйлчилгээ үзүүлэгч байгууллагад төлбөр гүйцэтгэх мэдээллийн хэрэгсэл болно.

ОЮУТНЫ ХӨГЖИЛ, ҮЙЛЧИЛГЭЭНИЙ АЛБА