ШУТИС-ийн ректор Др.Б.Очирбат Франц улсаас Монгол улсад суугаа Онц бөгөөд бүрэн эрхт Элчин сайд Хатагтай Элизабет БАРСАК, Францын ЭСЯ-ны Соёл, хамтын ажиллагаа хариуцсан зөвлөх Ноён Жан-Флоран Филтц, Боловсролын хамтын ажиллагаа хариуцсан Сэлинь ФИЛТЦ нарыг 2016 оны 4 дүгээр сарын 5-ны өдөр хүлээн авч уулзлаа.

Уулзалтын үеэр ШУТИС-ийн багш, судлаачдыг Францын их дээд сургуулийн судалгааны төв, хүрээлэнгүүдэд судалгаа хийлгэх, мэргэжил дээшлүүлэх боломж, уул уурхай, эрчим хүч, дэд бүтцийн салбарт Францын их, дээд сургуулиудтай хамтын ажиллагааг хөгжүүлэх, нэр хүнд бүхий профессор багш нарыг ШУТИС-д урьж лекци семинар зохион байгуулах, хамтарсан судалгаа хийх талаар ярилцав.

Мөн Францын Үндэсний болон дээд боловсрол, ЭШ-ний Яамны зөвлөх, Марсейлийн Биохимийн инженерийн их сургуулийн үүсгэн байгуулагч, Францын ШУ-ны судалгааны Үндэсний Төвийн судлаач Профессор Жон Лүк Клемоүг ойрын хугацаанд ШУТИС-д урьж лекц уншуулахаар тохиров.