Хүнсний аж үйлдвэрийн 80 жилийн ойн хүрээнд Хүнсний Инженер Биотехнологийн Сургуулийн Биотехнологийн профессорын багийн хамт олон “Хүнсний үйлдвэрийн лабораторийн хүчин чадал, лабораторийн шинжээчийн ур чадвар” сэдвээр семинар зохион байгууллаа. Семинар ШУТИС-ийн Төв номын сангийн 605 тоот өрөөнд 15.00 цагт боллоо. Уг семинарт “АПУ” ХХК-ийн химийн лабораторийн шинжээч, хүнсний хими-технологич Г.Буянхишиг, “Атар-Өргөө” ХХК-ийн лабораторийн шинжээч, хүнсний  микробиологич, магистр Н.Пүрэвсүрэн, УСУГ-ийн Усны төв лабораторийн шинжээч, микробиологич О.Төмөртогтох нар оролцож өөрсдийн ажиллаж буй лабораторийн хүчин чадал, шинжилгээний арга, аргачлал онцлогийн  тухай танилцуулж оюутнуудын сонирхсон асуултанд хариуллаа. Бидний мэргэжил-бидний бахархал гэсэн үгээр уг семинар өндөрлөлөө.