ШУТИС энэ хичээлийн жилийн намрын улирлын төгсөлтөө энэ сарын 18-нд хийлээ. Энэ удаа магистр 189, бакалавр 911, мэргэжлийн дипломтой 96 оюутан ШУТИС-ийг төгсөн гарч, удирдах зөвлөлийн гишүүд болон бүрэлдэхүүн сургуулийн захирлууд дипломыг нь гардуулан өгөв. Төгсөгчдийн дунд онцлох дипломтой шилдэг оюутан 17 байлаа. Төгсөлтийн ёслолыг ШУТИС-ийн удирдах зөвлөлийн дарга Ч.Улаан, ректор Б.Дамдинсүрэн нар нээн үг хэлж, төгсөн гарч буй оюутан залуустаа ажил хөдөлмөрийн өндөр амжилт ерөөсөн юм. Энэ удаагийн намрын төгсөлт нь ШУТИС-ийн 65 дахь удаагийн төгсөлт юм.