Дэлхийн 90 орчим улсад 200 гаруй салбар нэгжтэй Японы тэргүүлэх зэргийн худалдааны компани болох Мицубиши корпораци 6 дахь жилдээ бакалавр, магистр, докторын түвшний оюутны сургалтын төлбөрийн тэтгэлгийг олголоо. Энэхүү тэтгэлгийн зорилго нь Монгол Улсын нийгмийн хөгжилд хувь нэмрээ оруулах, ирээдүйтэй шилдэг оюутнуудыг дэмжихэд оршдог билээ. 2016-2017 оны хамтын ажиллагааны гэрээгээ шинэчлэн байгуулсны үр дүнд 8 оюутан тус бүрт 1 сая төгрөгийн тэтгэлэг гардуулан өглөө.

Тус тэтгэлгийн онцлог нь бакалаврын түвшний оюутнууд төдийгүй ахисан түвшинд суралцаж буй оюутнуудад сургалтын төлбөрийн тэтгэлэг олгон, тэдний сургалт болон судалгааны ажилд үнэтэй хувь нэмэр оруулж байна.

Мицубиши корпорацийн хамт олонд халуун талархал илэрхийлэн, цаашдын ажилд нь улам их амжилтыг хүсэн ерөөхийн ялдамд  тэтгэлэг авсан нийт оюутнууддаа сурлагын өндөр амжилт хүсье.

Гадаад харилцаа, хамтын ажиллагааны алба