Монгол Улсын Засгийн газар, БСШУСЯ-ны дэмжлэгтэйгээр МУИС, ШУТИС нь АНУ-ын Массачусетсын Технологийн Институттэй (MIT) хамтран ажиллах үүсгэл төслийг хэрэгжүүлж байгаа билээ. Энэхүү төслийн хүрээнд МТИ-д хот байгуулалтын чиглэлээр сургалт зохион байгуулагдах юм. Уг ажлыг угтаж МУИС, ШУТИС хамтран хот байгуулалтын чиглэлээр “ТОГТВОРТОЙ ХОТ БАЙГУУЛАЛТ: MТИ-ТЭЙ ХАМТРАН АЖИЛЛАХ ЧИГЛЭЛИЙГ ТОДОРХОЙЛОХ ХЭЛЭЛЦҮҮЛЭГ”-ийг 2017 оны 2 дугаар сарын 17-ны өдөр зохион байгууллаа.

Тус хэлэлцүүлэгт МУИС-ийн ректор Р.Бат-Эрдэнэ, ШУТИС-ийн ректор Б.Очирбат, Массачусетсийн технологийн институттэй хамтран ажиллах ажлын хэсгийн багийнхан болон ШУТИС, МУИС-ийн эрдэмтэн багш нар гээд нийт 60 гаруй хүн оролцож, Монголын тогтвортой хот байгуулалтын талаар 8 илтгэл тавьж,  Массачусетсийн технологийн институттэй хот байгуулалтын салбарт хамтран ажиллах чиглэлийн талаар харилцан ярилцаж, саналаа солилцлоо.

ЭРДЭМ ШИНЖИЛГЭЭНИЙ АЛБА