ШУТИС-ийн харьяа Хөнгөн үйлдвэрийн судалгаа, хөгжлийн хүрээлэнгийн хамт олон 2017 оны 2 дугаар сарын 24-ний өдөр  тус хүрээлэнд ажиллаж байсан ахмадуудыг хүлээн авч хүндэтгэл үзүүллээ.

Энэ үеэр тус хүрээлэнгийн Сорилтын төвийн Ноос, ноолуурын олон улсын итгэмжлэгдсэн лабораторийн 205 тоот өрөө буюу “Нэхмэлийн эко химийн лаборатор”-ийг Монгол Улсын Шинжлэх ухааны гавьяат зүтгэлтэн, Шинжлэх ухааны доктор (Sc.D), профессор Гонгорын Надмидын нэрэмжит болгов. Энэ үйл ажиллагаанд Г.Надмидтай хамтран ажиллаж байсан ажилтнууд, гэр бүлийхэн, найз нөхөд, шавь нар нь болон хүрээлэнгийн эрдэм шинжилгээний ажилтнууд оролцлоо.