Канад Улсын Гадаад хэргийн яамнаас санхүүжүүлж буй “Монгол Улс: Институцийн өөрчлөлт хийх замаар эрдэс баялгийн менежментийг сайжруулах нь MERIT" төслийн хүрээнд ШУТИС-ийн Геологи, уул уурхайн сургууль "MERIT" төслийн багийн хамт олон дөрвөн жилийн хугацаатай хамтын ажиллагааны санамж бичгийг 2017 оны 3 дугаар сарын 16 өдөр байгууллаа. Гэрээнд Геологи, уул уурхайн сургуулийн захирал Б.Чинзориг, "MERIT" төслийн  удирдагч Синди Фэйр нар гарын үсэг зурж баталгаажуулав. Хамтын ажиллагааны хүрээнд ГУУС-ийн сургалт, судалгааны ажил, сургалтын бааз, хүний нөөцийн чадамж зэрэгт голлон анхаарч ажиллахаар тохиролцсон байна. Тус үйл ажиллагаанд Канад улсын Дэлхийн их сургуулийн үйлчилгээний мэргэжилтэн Роб Гиллберри, төслийн ажилтан Д.Амарчимэг, ГУУС-ийн ЭНБДарга П.Нарантуяа нар оролцлоо.