ШУТИС-ийн “Антарктид судлал”-ын төв ШУТИС-ийн ректорын 2013 оны 06 дугаар сарын 10-ны өдрийн А/108 тоот тушаалаар байгуулагдсан. Тус төв нь Антарктид судлалыг хөгжүүлэхэд чиглэсэн эрдэм шинжилгээ, туршилт, судлалыг олон улсын хамтын судалгааны ажлын үр дүнг үйлдвэрлэлд нэвтрүүлэх, Антарктидын ажиллагааг өргөжүүлэх, ажлын үр өгөөжийг дээшлүүлэн, орчин үеийн олон улсын жишиг шаардлагад нийцүүлэх үндсэн зорилготой юм.

Тус төвийн нээлтэд “Болгарын Иван Рильскийн нэрэмжит Уурхай, геологийн их сургууль”-иас баяр хүргэж мэндчилгээ дэвшүүллээ. Антарктид судлалын төвийн ажилд дэмжлэг, туслалцаа үзүүлж, судалгааны төвөөс зохион байгуулж буй үйл ажиллагаанд идэвхтэй оролцоно гэж итгэж байна.