ШУТИС-ийн сургалтын чанарыг баталгаажуулах ажлын хүрээнд ХШУС-ийн Физикийн тэнхимээс зохион байгуулсан “Физикийн нээлттэй өдөр - 2017” өдөрлөг 2017 оны 10 дугаар сарын 15-ны өдөр амжилттай явагдаж өнгөрлөө. Өдөрлөгт тус тэнхимийн профессор багш, сургалтын мастерууд Физик 1, Физик 2, хичээлээр давхардсан тоогоор 615 оюутанд сургалт явууллаа.

Өдөрлөгийн хүрээнд тэнхимийн багш нар физикийн 1-7-р долоо хоногийн хичээлийн сэдвүүдийн хүрээнд семинарын хичээл, жишиг даалгаврууд гүйцэтгэх талаар сургалтууд явуулсан болно.

Нийт багш нар өөрийн хичээл зааж буй оюутнуудад семинар, лаборатори, бие даалтын ажлаар ганцаарчилсан зөвлөгөө өгч ажилласан бөгөөд оюутнуудын хүсэлтээр 15-р долоо хоногт өдөрлөгийг дахин явуулахаар шийдвэрлэв. 

 Физикийн тэнхим