Шинжлэх ухааны академийн Их чуулган 2011 оны 6 дугаар сарын 29-нд хуралдаж шинээр академчидийг сонгон шалгаруулах асуудлыг авч хэлэлцсэн байна. Нийт салбарын академи, бага чуулганаар 56 эрдэмтэн өрсөлдөж 23 эрдэмтний нэрийг их чуулганд дэвшүүлснээс нууцаар санал хураалт явуулж 75-аас дээш хувийн санал авсан манай улсын шинжлэх ухааны салбаруудын тэргүүлэх 14 эрдэмтнийг академийн гишүүнээр сонгожээ. Тэдгээрийн дотор БИАС-ийн Геотехникийн профессорын багийн тэргүүлэх профессор, монгол улсын шинжлэх ухааны гавъяат зүтгэлтэн Д.Дашжамц, УУИС-ийн тэргүүлэх профессор, монгол улсын анхны ерөнхийлөгч П.Очирбат , ЭХИС-ийн тэргүүлэх профессор, монгол улсын төрийн соёрхолт эрдэмтэн Д.Содномдорж  нар ШУА-ийн гишүүнээр сонгогдов.

ШУА-ийн гишүүнээр сонгогдсон гурван эрдэмтэндээ баяр хүргэж, ажлын амжилт хүсье.